სანდრო რაქვიაშვილი „ნაციონალურ მოძრაობაზე“ - ზრდასრული, ძლიერი ხალხია, აქვთ ტელევიზიები, დაფინანსება, პარტიული სტრუქტურა და ეს ხალხი ამბობს, არაფერი შეგვიძლია, გვიშველეთ, ვშიმშილობთო

"ნაციონალური მოძრაობის" გადაწყვეტილება არის ძალიან უხეში შეცდომა - საერთოდ მოწყვეტილია რეალობას და არც კი მესმის, ეს რატომ გააკეთეს,- ამის შესახებ ჟურნალისტებთან "გირჩის" დეპუტატმა სანდრო რაქვიაშვილმა „ნაციონალური მოძრაობის" მიერ დაანონსებულ მასობრივ შიმშილობასთან დაკავშირებით განაცხადა.

მისი თქმით, მსგავსი გადაწყვეტილების მიღება მინიმუმ მაშინ შეიძლებოდა, როცა ყველა სხვა ინსტრუმენტი გამოყენებულია, მაგრამ მას არ აქვს განცდა, რომ "ნაციონალურმა მოძრაობამ" ამოწურა თავის რესურსი.

„წარმოიდგინეთ ზრდასრული, ძლიერი ხალხია, აქვთ ტელევიზიები, დაფინანსება, პარტიული სტრუქტურა და ეს ხალხი ამბობს, არაფერი არ შეგვიძლია, გვიშველეთ, ვშიმშილობთო. არც ელენე ხოშტარიას შიმშილობა იყო სწორი და ასეთი ინსტრუმენტების გამოყენება არ არის სწორი. ეს არის მარცხის აღიარება და იმის, რომ არ შეუძლია ამას შეეგუოს. ახლა რასაც ითხოვენ, შეუძლებელია შესრულებული იყოს და არ მესმის, ახალი წლის წინ როგორ შეიძლება მხარდამჭერებს უთხრა - ხალხო, ახლა ოჯახთან კი არ გავატაროთ დრო, ზეიმი კი არ გქონდეთ, წადით, კარვებში დაჯექით და დაიწყეთ შიმშილობა. ეს არ არის ნორმალური და ეს მინიმუმ მაშინ უნდა გაკეთდეს, როცა დადასტურებით იცი, რომ ყველა სხვა ინსტრუმენტი გამოყენებულია, მაგრამ მე არ მაქვს ეს განცდა, რომ "ნაციონალურმა მოძრაობამ" ამოწურა თავის რესურსი, პირიქით, სულ ის მინდა, რომ მათი რესურსი მე მქონდეს, ერთი- ორი კვირა მაინც, ეროვნულ ბანკთან დაკავშირებით მიზანს მაინც მივაღწევდი და მიკვირს, რომ ამხელა რესურსი ასე უაზროდ იხარჯება,"- განაცხადა რაქვიაშვილმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის