გიორგი ფანგანი - ელექტროენერგიის საფასურის გადახდის სპეციალური ვადების დაწესების ერთ-ერთ- მთავარი საფუძველი პენსიონერთა მომართვაა

საქართველოს ენერგეტიკისა და წყალმომარაგების მარეგულირებელი ეროვნული კომისიის წევრის, გიორგი ფანგანის განცხადებით, ელექტროენერგიის საფასურის გადახდის სპეციალური ვადების დაწესების ერთ-ერთი მთავარი საფუძველი პენსიონერთა მიმართვაა.

როგორც გიორგი ფანგანმა განმარტა, საშეღავათო ვადების დაწესებისთვის, საჭირო გახდა მრიცხველების წაკითხვის სისტემის ცვლილება.

„არაერთხელ მოგვმართეს პენსიონერებმა გადახდის ვადების ცვლილებაზე, რადგანაც კომპანიები ელექტროენერგიის საფასურის გადახდას ითხოვდნენ იმაზე ადრე, ვიდრე მათ ერიცხებოდათ პენსია. იყო შემთხვევები, როდესაც მათ გადაუხდელობის გამო თიშავდნენ ქსელიდან. იმის გარდა, რომ ელექტროენერგიის გარეშე რჩებოდნენ, მოხმარებული ელექტროენერგიის საფასურთან ერთად, უწევდათ დამატებითი თანხის გადახდა ელექტროენერგიის მიწოდების აღდგენაზე. პენსიონერებმა, რა რიცხვშიც არ უნდა მიიღონ ქვითარი, მათ გადახდა შეეძლებათ ყოველი თვის 16 რიცხვამდე, ხოლო სოციალურად დაუცველი ოჯახების ერთიან მონაცემთა ბაზაში რეგისტრირებულ პირებს, ასევე პირებს, რომლებსაც საქართველოს კანონმდებლობის შესაბამისად მინიჭებული აქვთ მრავალშვილიანი მშობლის სტატუსი, გადახდა შეეძლებათ ყოველი თვის 22 რიცხვამდე. საშეღავათო ვადებით სარგებლობისათვის აუცილებელია, რომ შესაბამისმა პირებმა, „თელმიკოში“ ერთჯერადად წარადგინონ პენსიონერის ან კონკრეტული სტატუსის მქონე პირის დამადასტურებელი ცნობა. რაც შეეხება ყველა სხვა საყოფაცხოვრებო მომხმარებელს, რომელიც არ მიეკუთვნება ამ კატეგორიებს, ელექტროენერგიის საფასურს გადაიხდის დარიცხვიდან 15 კალენდარული დღის ვადაში“, - განაცხადა გიორგი ფანგანმა.

მისივე განმარტებით, ამ ცვლილებების ძალაში შესასვლელად, იცვლება მრიცხველების წაკითხვის სისტემა.

საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, ახალი სისტემის მიხედვით, ყველა მრიცხველის წაკითხვა მოხდება თვის ბოლოს, ხოლო მოსახლეობა ქვითარს მიიღებს თვის დასაწყისში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში