გიორგი პერტაია - პროფესიული უნარების სააგენტო კერძო და სახელმწიფო სექტორის თანამშრომლობის უნიკალური მოდელია, რომელიც ხელს შეუწყობს შრომის ბაზარზე მოთხოვნადი პროგრამების დანერგვას

საქართველოს სავაჭრო-სამრეწველო პალატისა და განათლებისა და მეცნიერების სამინისტროს პარტნიორობით პროფესიული უნარების სააგენტო დაფუძნდა. ამის შესახებ ინფორმაციას სავაჭრო-სამრეწველო პალატა ავრცელებს.

მათი ინფორმაციით, სააგენტოს დაფუძნების ღონისძიებაზე მოწვეულ სტუმრებს მისასალმებელი სიტყვით პალატის პრეზიდენტმა, გიორგი პერტაიამ და განათლებისა და მეცნიერების მინისტრმა, მიხეილ ჩხენკელმა მიმართეს და სააგენტოს საქმიანობის ძირითადი ასპექტები გააცნეს.

გიორგი პერტაიას განცხადებით, უნარების სააგენტო წარმოადგენს კერძო და სახელმწიფო სექტორის თანამშრომლობის უნიკალურ მოდელს, რომელიც მოემსახურება ქვეყანაში პროფესიული განათლების ხარისხის ზრდას, ხელს შეუწყობს შრომის ბაზარზე მოთხოვნადი პროფესიული პროგრამების დანერგვას, ინოვაციური სწავლების მხარდაჭერას და უკეთესი დასაქმების შესაძლებლობებს.

„უნარების სააგენტოს მართვას ახორციელებს სამეთვალყურეო საბჭო, რომლის შემადგენლობაში შედიან ქვეყანაში მოქმედი 6 უმსხვილესი - არასექტორული ბიზნეს მხარდამჭერი ორგანიზაცია/ასოციაცია და 6 სექტორული სამინისტრო.

მანდატების თანაბარი გადანაწილება ხელს შეუწყობს დაბალანსებული გადაწყვეტილებების მიღებას, ამასთან კერძო სექტორი მაღალი ლეგიტიმაციით იქნება წარმოდგენილი პროფესიული განათლების დაგეგმვა-განხორციელების პროცესში“, - აღნიშნულია სავაჭრო-სამრეწველო პალატის მიერ გავრცელებულ ინფორმაციაში.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო