ჯანდაცვის მინისტრის პირველი მოადგილის, თამარ გაბუნიას განცხადებით, ეკატერინე ტიკარაძე კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომას არ დასწრებია.
ამის შესახებ გაბუნიამ მედიის წარმომადგენლების კითხვის საპასუხოდ განაცხადა და მიზეზად უწყების გადაბარების პროცესი დაასახელა.
„დღევანდელ სხდომას არ ესწრებოდა. უამრავი სხვა პრიორიტეტია კიდევ ჯანდაცვის სამინისტროში, გადაბარების პროცესში, ამიტომ ვფიქრობ, მისი დრო შესაბამისად გადანაწილდება“, - განაცხადა გაბუნიამ და კითხვაზე, რამდენად ნიშნავს ეს, რომ ეკატერინე ტიკარაძისთვის საკოორდინაციო საბჭო და ეპიდვითარება პრიორიტეტული აღარ არის, დასძინა: „ნამდვილად არა“.