ამირან გამყრელიძის განცხადებით, ევროპაში „ომიკრონი" დომინანტური შტამი უკვე იანვრის შუა რიცხვებიდან გახდება

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, ევროპის რეგიონში "ომიკრონი" დომინანტური შტამი უკვე იანვრის შუა რიცხვებიდან გახდება.

როგორც გამყრელიძემ განაცხადა, გაზრდილი შემთხვევების ფონზე ზეწოლა ჯანდაცვის სექტორზე უკვე სერიოზული ხდება და გამოწვევა საქართველოსთვისაც სერიოზულია.

„ევროპის რეგიონში "ომიკრონი" დომინანტური შტამი უკვე იანვრის შუა რიცხვებიდან გახდება. ასეთია პროგნოზი. ამ ეტაპზე ინფექციის მიმდინარეობა საშუალო სიმძიმისაა იმ ქვეყნებში, სადაც გამოვლინდა. თუმცა, გაზრდილი შემთხვევების ფონზე ზეწოლა ჯანდაცვის სექტორზე უკვე სერიოზული ხდება. გამოწვევა ჩვენთანაც სერიოზულია. მოგეხსენებათ, რომ 2 დადასტურებული შემთხვევის შესახებ ორშაბათს ვისაუბრე, რაც შაბათს უკვე დადასტურებული იყო. ორივე ახალგაზრდა ადამიანია, 25 წლის ქალი და 26 წლის მამაკაცი. ერთს მოგზაურობის ისტორია აქვს აშშ-ში, მეორეს - დუბაიში. მათ ჰქონდათ საკმაოდ ბევრი კონტაქტი და ამ კონტაქტების კვლევიდან გუშინ კიდევ დამატებით 22 შემთხვევა დავადასტურეთ. ამ შემთხვევებიდან ზოგიერთი კონტაქტია, ამავე დროს დამოუკიდებელი შემთხვევებიც, რომელიც თითქმის ყველა შემოტანილია. 9 შემთხვევა შემოსულია დუბაიდან ერთი თვითმფრინავით, რომლებიც “ფორმულა ერთის" ღონისძიებაზე გახლდნენ. ერთი შემოსულია ბუდაპეშტიდან, ერთი შემთხვევაა ლონდონიდან, 2 შემთხვევა თურქეთის გავლით აფრიკის ქვეყნებიდან, ასევე 1 შემთხვევაა აშშ-დან“, - განაცხადა გამყრელიძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში