გიგი უგულავა - როცა ადამიანი შიმშილობს, იმაზე დაიწყო ქირქილი, დაცინვა და გამოჯავრება, ეს რა ადამიანობაში ჯდება, არ მესმის

როდესაც ადამიანი შიმშილობს, იმაზე დაიწყო ქირქილი, დაცინვა და გამოჯავრება, ეს რა ადამიანობაში ჯდება, არ მესმის. განსაკუთრებით გული მწყდება სოზარ სუბარზე, რადგან ეს ადამიანი ომბუდსმენი იყო და გაცილებით მეტი მოეთხოვება, მათ შორის როგორც დღევანდელ პოლიტიკოსს, ვიდრე თუნდაც ნინო წილოსანს, - ამის შესახებ ოპოზიციონერმა პოლიტიკოსმა, გიგი უგულავამ ჟურნალისტებს განუცხადა.

მისი თქმით, ყოფილი პრეზიდენტის, მიხეილ სააკაშვილის გათავისუფლების მოთხოვნით მასობრივი შიმშილობის აქცია დაწყებულია და იგი ამ პროცესს დადებითად აფასებს.

როგორც გიგი უგულავამ აღნიშნა, „ქართული ოცნების“ ლიდერებს შეეძლოთ მოშიმშილე ადამიანების მიმართ თანაგრძნობა გამოეხატათ, თუმცა, ოპოზიციონერი პოლიტიკოსის თქმით, ამის ნაცვლად უმრავლესობის დეპუტატებისგან მხოლოდ დაცინვა და ქილიკი ისმის.

„ძალიან მძიმე აქტია, ჩვენ ყველას კარგად გვესმის ეს, რადგან უამრავი ადამიანი დღეს შიმშილობს და თავის ჯანმრთელობას რისკის ქვეშ აყენებს ერთი მოთხოვნის გამო, გათავისუფლდეს მიხეილ სააკაშვილი.

საერთოდ, არ მესმის, როდესაც ხარ ადამიანი და მეორე ადამიანი შიმშილობს, იმაზე დაიწყო ქირქილი, დაცინვა და გამოჯავრება. ეს რა ადამიანობაში ჯდება, საერთოდ არ მესმის. განსაკუთრებით გული მწყდება სოზარ სუბარზე, რადგან ეს ადამიანი ომბუდსმენი იყო და გაცილებით მეტი მოეთხოვება, მათ შორის როგორც დღევანდელ პოლიტიკოსს, ვიდრე თუნდაც ნინო წილოსანს. ჩემთვის პერსონალურად სამწუხაროა, თავის დროზე ეს რომ ომბუდსმენი გახდა, მე მხარი მაქვს დაჭერილი და ერთ-ერთი რეკომენდატორი ვიყავი. უნდა ვაღიარო, შევცდი ადამიანურად, თორემ პოლიტიკა არაფერ შუაში არ არის. როგორ შეიძლება ასეთი რაღაც იკადრო, რაც არ უნდა გეზიზღებოდეს. ადამიანი შიმშილობს, ან გაჩუმდი ან თანაგრძნობა გამოხატე და შენი პოლიტიკური მესიჯი თქვი. ასეთი რამ ველურობის მანიშნებელია.

მიუხედავად ამისა, ჩვენ ძალიან მტკიცედ და მშვიდად ვხვდებით ასეთ პროცესებს, რადგან დღის წესრიგი არის დღის წესრიგი. რაც არ უნდა ილაპარაკოს „ქართულმა ოცნებამ,“ ვხედავთ, რომ პროცესი მაინც დაძრულია. ჩვენ ვნახეთ „ოცნებას“ უნდოდა მიხეილ სააკაშვილი რიგით პატიმრად წარმოეჩინა, ვერ გააკეთა. შემდეგ ათასი ტყუილი იყო მასთან დაკავშირებით და მაინც ფარდა აეხადა. ისინი ამბობდნენ, რომ სააკაშვილი არ შიმშილობს და არც ავად არის, ჩვენ ვნახეთ საპირისპირო. მერე თვითონ მოუწიათ კონსილიუმის შექმნა და განცხადებების გაკეთება. ვნახეთ პროცესში როგორ არაადამიანურად და სამწუხაროდ გამოიყურება „ქართული ოცნება“, მაგრამ ეს პროცესი მაინც მიდის. მიუხედავად ბევრი გამოთქმული სკეპტიკური მოსაზრებისა, იმედის თვალით ვუყურებთ იმ მოლაპარაკებებს, რომელიც საქართველოს პრეზიდენტმა წამოიწყო. დანარჩენი, პროტესტი არის მწვავე, მოითხოვს ყურადღებას და პროტესტს ექნება ყურადღება“, - განაცხადა გიგი უგულავამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!