სომხეთთან დამაკავშირებელ ელექტროგადამცემ ხაზზე „ალავერდი“ მიმდინარე სამუშაოების უსაფრთხოდ წარმოების მიზნით მომხმარებელთა ნაწილს ელექტრომომარაგება შეეზღუდება.

„საქართველოს სახელმწიფო ელექტროსისტემის“ ინფორმაციით, 23 დეკემბერს, 09:00-დან 10:00 საათამდე, ელექტროენერგიის მიწოდება შეეზღუდება ქალაქ მარნეულის კოვიდ საავადმყოფოს და ჟანგბადის საწარმოს, 10:00-დან 12:00 საათამდე შუალედში საქართველოს რკინიგზის მარნეულის კვანძს, ხოლო 10:00-დან 18:00 საათამდე ქალაქ მარნეულის ნაწილს და ჯანდარას დასახლებას.

„საქართველოს სახელმწიფო ელექტროსისტემა" ბოდიშს უხდის მომხმარებლებს აღნიშნული შეფერხების გამო.