სოზარ სუბარი - „ვიშიმშილებთ, სანამ ყოფილი პრეზიდენტი არ გათავისუფლდება“, ვერანაირ თანხმობამდე ვერ მიგვიყვანს

ეროვნულ თანხმობაზე სალომე ზურაბიშვილის ინიციატივა კარგია, თუმცა ის, რაც ამ პროცესს ხელს შეუშლის, არის ერთგვარი ულტიმატუმების წამოყენება. ულტიმატუმი, რომ ჩვენ ვიშიმშილებთ მანამ, სანამ ყოფილი პრეზიდენტი არ გათავისუფლდება და ა.შ . ეს ვერანაირ თანხმობამდე ვერ მიგვიყვანს, - ამის შესახებ საპარლამენტო უმრავლესობის დეპუტატმა სოზარ სუბარმა ჟურნალისტებს განუცხადა.

მისივე თქმით, სრული აბსურდია დაკავებული ადამიანის გათავისუფლებისთვის შიმშილობა.

„მგონი სააკაშვილის გარდა ყველამ თქვა, რომ თვითონ ტერმინი „ეროვნული შერიგება“ არ არის კორექტული და სწორი. თუ საუბარია ეროვნულ თანხმობასა და ქვეყნის საკეთილდღეოდ პოლიტიკური ძალების ურთიერთთანამშრომლობაზე, ეს ნამდვილად კარგი პროცესია და იმედი მაქვს, რომ გარკვეული კონტურები ამ მიმართულებით გამოიხატება. ამ მხრივ, სალომე ზურაბიშვილის ინიციატივა არის ძალიან კარგი, თუმცა, ხელს რაც ამ პროცესს შეუშლის, ეს არის ერთგვარი ულტიმატუმების წამოყენება. ულტიმატუმი, რომ ჩვენ ვიშიმშილებთ მანამ, სანამ ყოფილი პრეზიდენტი არ გათავისუფლდება და ა.შ . ეს ვერანაირი თანხმობისკენ ვერ მიგვიყვანს.

შიმშილობა პოლიტიკური პროცესებისას არ არის მაინცდამაინც საუკეთესო გზა, მაგრამ აპრობირებული მეთოდია, თუმცა როცა საუბარია, იმაზე, რომ ვიღაც ვისაც მისჯილი აქვს, უნდა გათავისუფლდეს, სრული აბსურდია ამგვარი რამისთვის შიმშილობა. ეს არ მომხდარა არასდროს, არსად მსოფლიოში და არ მოხდება. არსად არაა რომ სამართლებრივი პროცესი შიმშილობის ან რაიმე პროტესტის გზით წყდებოდეს. შესაბამისად, ეს ვერ მიგვიყვანს ვერანაირ ლოგიკურ შედეგამდე და დასასრულამდე, ამიტომ ამ პროცეს არ აქვს არანაირი მომავალი. მოვუწოდებ, ყველა ადამიანს, ვინც ამ შიმშილობის აქციაში აპირებს მონაწილეობას ან უკვე მონაწილეობს, რომ შეწყვიტოს ეს პროცესი. გუშინ სოსო რობაქიძის განცხადება მოვისმინე, ყოფილი რეჟიმის მსხვერპლნი თუ მსხვერპლთა ოჯახები ასევე გეგმავენ, რომ დაიწყონ შიმშილობა სამართლიანობის აღდგენისა და იმ ხელისუფლებაში მყოფი დამნაშავეების დასჯის მოთხოვნით. მათაც მოვუწოდებ, რომ ეს პროცესი არ დაიწყონ, იმიტომ, რომ ეს დაპირისპირებისა და ვითარების ესკალაციის გარდა არსად მიგვიყვანს,“- განაცხადა სოზარ სუბარმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!