თამარ გაბუნიას განმარტებით, „ომიკრონის" რისკების გათვალისწინებით, ჯერ არ არის დრო, ისეთი თამამი გადაწყვეტილება მიიღონ, რაც კლუბების გახსნას უკავშირდება

ჯანდაცვის მინისტრის მოადგილის, თამარ გაბუნიას განმარტებით, „ომიკრონის" რისკების გათვალისწინებით, ჯერ არ არის დრო, ისეთი თამამი გადაწყვეტილება მიიღონ, რაც კლუბების გახსნას უკავშირდება.

როგორც გაბუნიამ ჟურნალისტებთან საუბრისას განაცხადა, კორონავირუსის ახალი შტამის გათვალისწინებით მნიშვნელოვანია, ამ ეტაპზე თავი შეიკავონ დამატებითი შეზღუდვების მოხსნისგან.

"ამ პირობებში, როდესაც ჩვენ "ომიკრონის" ტალღას ველოდებით, ვადევნებთ თვალს ევროპაში როგორ მკაცრდება ყოველდღე მოთხოვნები რეგულაციებთან დაკავშირებით. ძალიან რთული განსამარტია, თუ რატომ შეიძლება დავუშვათ ახალი გახსნები, მაგალითად, კლუბებთან მიმართებაში. ჯერ არ არის იმის დრო, რომ ჩვენ ასეთი თამამი გადაწყვეტილება მივიღოთ, მით უმეტეს მაშინ, როდესაც "ომიკრონის" რისკი ძალიან რეალურია. ცოტა დრო გვჭირდება. რა თქმა უნდა, ყველას ინტერესია, რაც შეიძლება სწრაფად დავუბრუნდეთ ჩვეულ რეჟიმს, როგორც გართობის, ისე სოციალური და სხვა აქტივობის მიმართულებას. რისკი "ომიკრონს" უკავშირდება, რომელსაც ბევრი კითხვის ნიშანი აქვს. ვფიქრობ, მნიშვნელოვანია, ამ ეტაპზე თავი შევიკავოთ დამატებითი შეზღუდვების გაიოლებისგან - საკოორდინაციო საბჭოს პოზიციაც ამგვარია",- აღნიშნავს გაბუნია.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა