აშშ-ის ელჩი საქართველოში, კელი დეგნანი პარლამენტში საგარეო საქმეთა კომიტეტის თავმჯდომარე ნიკოლოზ სამხარაძეს და თავდაცვის კომიტეტის თავმჯდომარე ირაკლი ბერაიას შეხვდა.
როგორც შეხვედრის დასრულების შემდეგ კელი დეგნანმა ჟურნალისტებთან განაცხადა, შეხვედრაზე ვაშინგტონში განხორციელებულ ვიზიტზე ისაუბრეს და ორმხრივი ურთიერთობები განიხილეს.
„ძალიან ნაყოფიერი შეხვედრა გვქონდა, ვისაუბრეთ დელეგაციის განხორციელებულ ვიზიტზე ვაშინგტონში, იმის შესახებ თუ რა სახის შეხვედრები ჩატარდა ვაშინგტონში ვიზიტისას. დელეგაციას ჰქონდა შეხვედრები კონგრესთან, სახელმწიფო დეპარტამენტთან, სამოქალაქო საზოგადოებასთან და ზოგადად განვიხილეთ ორმხრივი ურთიერთობები. ძალიან მნიშვნელოვანია ღია კომუნიკაცია. ჩვენ ვთანამშრომლობთ სხვადასხვა საკითხებზე, განსაკუთრებით ამ მნიშვნელოვან პერიოდში,"- განაცხადა კელი დეგნანმა.