ადვოკატი - ოფიციალური ნებართვა მოპოვებულია და ახლა ჯერი არის გიორგი მარგველაშვილზე, რომელმაც უნდა დაგეგმოს სააკაშვილთან ვიზიტი

გორის სამხედრო ჰოსპიტალში მესამე პრეზიდენტ მიხეილ სააკაშვილთან შესახვედრად მისი უფლებადამცველი შოთა თუთბერიძე მივიდა.

შოთა თუთბერიძის ინფორმაციით, დღევანდელ შეხვედრაზე საქალაქო სასამართლოში 7 ნოემბრის საქმეზე მიმდინარე პროცესს და ქვეყანაში მიმდინარე მნიშვნელოვან მოვლენებს განიხილავენ.

„ბუნებრივია მიხეილ სააკაშვილთან შეხვედრისას განვიხილავთ დღევანდელ პროცესს, რაც იყო პოლიტიკური გაგრძელება იმ ფარსისა, რომელიც ბოლო თვეების განმავლობაში მიმდინარეობს მიხეილ სააკაშვილის წინააღმდეგ. პროკურატურა შეეცადა კადრების ჩართვით დაედგა შოუ, რაც არ გამოუვიდა. ამ საქმესთან დაკავშირებით განვიხილავთ მომდევნო მოქმედებებს და სამართლებრივ სტრატეგიას. განვიხილავთ ქვეყანაში მიმდინარე მნიშვნელოვან მოვლენებს და იმ ინიციატივებს, რომელიც შეიქმნა პოლიტიკურ ასპარეზზე. ამასთან, მინდა შევაფასო მისი ჯანმრთელობის მდგომარეობა, რაც ყველაზე მნიშვნელოვანი გარემოებაა”, - აღნიშნა შოთა თუთბერიძემ.

რაც შეეხება გიორგი მარგველაშვილისა და მიხეილ სააკაშვილის შეხვედრას, ადვოკატის განმარტებით, ორივე პრეზიდენტი ერთმანეთთან შესახვედრად მზად არის და ოფიციალური ნებართვა მოპოვებულია, შესაბამისად ახლა ჯერი გიორგი მარგველაშვილზეა.

ამასთან, ადვოკატის განცხადებით, საქართველოს მოქმედ პრეზიდენტ სალომე ზურაბიშვილსა და მიხეილ სააკაშვილს შორის შეხვედრა ამ დროისთვის არ განიხილება.

„ორივე პრეზიდენტი მზად არის ერთმანეთთან შესახვედრად, ოფიციალური ნებართვა მოპოვებულია და ახლა ჯერი არის გიორგი მარგველაშვილზე, რომელმაც უნდა დაგეგმოს ვიზიტი აქ. მიხეილ სააკაშვილს არ უთხოვია ზურაბიშვილთან შეხვედრა და არც ზურაბიშვილს გამოუთქვამს შეხვედრის სურვილი, ამიტომ ამ საკითხს არ განვიხილავთ”, - აღნიშნა შოთა თუთბერიძემ.

ჟურნალისტების კითხვაზე, შეიწყალებს თუ არა სალომე ზურაბიშვილი მესამე პრეზიდენტს ე.წ. ეროვნული შერიგების ინიციატივის ფარგლებში, შოთა თუთბერიძის განცხადებით, აღნიშნული ქმედება არის ყველაზე მოკლე და მარტივი გზა კრიზისის დასასრულებლად.

ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
ქართული პრესის მიმოხილვა 08.08.2022
თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო