ელენე ხოშტარია - ის სატრანსპორტო რეფორმა, რომელიც მერიამ უბრალოდ რეფორმად შეფუთა, არის ძალიან დიდი დარტყმა ჩვენი მოსახლეობისთვის

ის სატრანსპორტო რეფორმა, რომელიც მერიამ უბრალოდ რეფორმად შეფუთა, არის ძალიან დიდი დარტყმა ჩვენი მოსახლეობისთვის. რაც მთავარია, ეს არის მორიგი ტყუილი ხელისუფლების მხრიდან, - ამის შესახებ „დროას“ ლიდერმა, ელენე ხოშტარიამ პარტიის ოფისში გამართულ ბრიფინგზე განაცხადა.

მისი თქმით, აღნიშნული რეფორმა მძიმედ დააწვება მოსახლეობის უდიდეს ნაწილს, რომელსაც აწუხებს ინფლაცია, გაძვირებული წამლის ფასები, გაუსაძლისი პირობები და კოვიდი.

„როდესაც ვსაუბრობთ, რომ ანგარიშვალდებულების, სამართლიანი არჩევნების ვალდებულება არის არა პარტიული, არამედ ჩვენი მოქალაქეების პრობლემა - ეს საკითხიც სწორედ აქამდე მიდის. მთავრობა, რომელიც არჩევნებს აყალბებს, არჩევნების შემდეგ ხალხს ატყუებს. ის არცერთ დაპირებას არ ასრულებს, აძვირებს ცხოვრებას, ფიქრობს საკუთარ ჯიბეზე და არა მოსახლეობის კეთილდღეობაზე, შესაბამისად, ეს გაძვირების პრობლემა არის „ქართული ოცნების“ საერთო არალეგიტიმურობის, არჩევნების გაყალბების, ზოგადად პოლიტიკური პროცესის დამახინჯების ერთ-ერთი კონკრეტული გამოვლინება.

ამ საკითხთან დაკავშირებით ჩვენ ვაპირებთ კოალიციური პარტიების ფარგლებში საკრებულოებში კონკრეტული ინიციატივებით გამოსვლას. საბა ბუაძე „ლელოდან“ უკვე აქტიურია ამ თემაზე და საკრებულოში გვექნება კონკრეტული ინიციატივები. უნდა გვესმოდეს, რომ ქალაქს მართავს „ქართული ოცნება“, რომელსაც ზოგადად მიტაცებული აქვს ხელისუფლება, ამიტომ არავის უნდა შევუქმნათ ტყუილი ან პოპულისტური მოლოდინი, რომ მყისიერად შესაძლებელი იქნება ამის შეცვლა. უნდა გვესმოდეს, რა ფასი აქვს ასეთი ტიპის ხელისუფლებას კონკრეტულად მოქალაქეებისთვის, მაგრამ ოპოზიცია კოალიციური გუნდის ფარგლებში აუცილებლად გამოვა კონკრეტული ინიციატივებით, რომელიც „ქართულ ოცნებას“ მაღალი ფასი დაუჯდება“, - განაცხადა ელენე ხოშტარიამ.

ცნობისთვის, თბილისის მერიის გადაწყვეტილებით, საზოგადოებრივი ტრანსპორტით მგზავრობის 90-წუთიანი ბარათი 1 ლარი ეღირება, 1-დღიანი ბარათი - 3 ლარი, 1-კვირიანი - 20 ლარი, 1-თვიანი - 40 ლარი, 3-თვიანი - 100 ლარი, 6-თვიანი - 150 ლარი, ხოლო 1-წლიანი ბარათები - 250 ლარი ეღირება. ხოლო ერთჯერადად მგზავრობის შემთხვევაში ტარიფი, 50 თეთრის ნაცვლად 1 ლარი იქნება.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის