CIU-ში საჯარო ლექცია „პროფესია ადვოკატი - წარმატების ფორმულა“ გაიმართა
22 დეკემბერს კავკასიის საერთაშორისო უნივერსიტეტის სამართლის ფაკულტეტის სტუდენტებისთვის, საადვოკატო ბიურო „გაბუნია და პარტნიორების“ დამფუძნებლისა და მმართველი პარტნიორის, ადვოკატ დიმიტრი გაბუნიას საჯარო ლექცია გაიმართა თემაზე: „პროფესია ადვოკატი - წარმატების ფორმულა“. ამის შესახებ ინფორმაციას კავკასიის საერთაშორისო უნივერსიტეტი ავრცელებს.
ამასთან, დიმიტრი გაბუნიამ ლექციის ფარგლებში საკუთარი საადვოკატო გამოცდილების შესახებ ისაუბრა, სტუდენტებს გააცნო პროფესიონალი ადვოკატისთვის აუცილებელი პრინციპები და პროფესიისთვის დამახასიათებელი პრაქტიკული ნიშან-თვისებები.
ლექცია ინტერაქტიულ ხასიათს ატარებდა, სადაც სტუდენტებს საშუალება ჰქონდათ სპიკერისთვის მათთვის საინტერესო კითხვებით მიემართათ.
