საქართველოში დაცული გეოგრაფიული აღნიშვნების სახელმწიფო რეესტრს ახალი გეოგრაფიული აღნიშვნა – „მუხურის თაფლი“ დაემატა

საქართველოში დაცული გეოგრაფიული აღნიშვნების სახელმწიფო რეესტრს ახალი გეოგრაფიული აღნიშვნა – „მუხურის თაფლი“ დაემატა. ამის შესახებ ინფორმაციას „საქპატენტი“ ავრცელებს.

„ამიერიდან ჩხოროწყუს მუნიციპალიტეტის მუხურის (ხობისწყლის) ხეობაში არსებული ყვავილების ნექტრიდან მიღებული გამორჩეული გემოვნური თვისებების და არომატის მქონე მუხურის თაფლი სახელმწიფო დონეზე იქნება აღიარებული. გეოგრაფიული აღნიშვნის რეგისტრაციის მოთხოვნით საქართველოს ინტელექტუალური საკუთრების ეროვნულ ცენტრში – „საქპატენტში“ განაცხადი ასოციაცია „მუხურის თაფლმა“ შეიტანა. სპეციფიკაციების შესაბამისად, მუხურის თაფლი ხასიათდება საშუალოდ გამოხატული არომატით, ზომიერად ტკბილი, სასიამოვნო და განსაკუთრებული, დამახასიათებელი გემოთი. მას ძირითადად, აგროვებენ მაისიდან აგვისტოს ჩათვლით, როდესაც თაფლოვანი მცენარეები ყვავილობს. ჩხოროწყუში მეფუტკრეობას ხანგრძლივი ისტორია და ტრადიციები გააჩნია. განმსაზღვრელია, ერთი მხრივ, აქაური თაფლის მწარმოებელი ფუტკრის გამორჩეული თვისებები და, მეორე მხრივ, მრავალფეროვანი თაფლოვანი მცენარეების არსებობა, რაც, თავის მხრივ, განპირობებულია რელიეფით, ადგილის სიმაღლით, განსხვავებული ჰავით და ნიადაგის შემადგენლობით.

გეოგრაფიული აღნიშვნით დაცული პროდუქტი უნდა აკმაყოფილებდეს გარკვეულ კრიტერიუმებს იმისათვის, რომ აღიარებულ იქნეს როგორც გეოგრაფიული აღნიშვნა. მომხმარებელში ამ ტიპის პროდუქტი ასოცირდება მაღალ ხარისხთნ. პროდუქტის შეფუთვაზე დატანილი ნიშანი მითითებით: „დაცული გეოგრაფიული აღნიშვნა“ ხელს უწყობს გაყიდვებს და შესაბამისად, სარგებელი მოაქვს მწარმოებლებისთვის.

განსაკუთრებული, გამორჩეული მახასიათებლების და გაზრდილი მოთხოვნილების გამო, გეოგრაფიულ ადგილთან დაკავშირებული პროდუქტების ფასი ბაზარზე შეიძლება რამდენიმეჯერ აღემატებოდეს ანალოგიური პროდუქტების ფასს. გაზრდილი ეკონომიკური ღირებულება კი იძლევა მაღალ კონკურენტუნარიანობასა და ახალი ბაზრების ათვისების უკეთეს შესაძლებლობას,”-ნათქვამია ინფორმაციაში.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი