ორსული ცოლის მკვლელობის საქმის პროკურორი - იყო თუ არა ბრალდებული შემთხვევისას ფსიქოტროპული ნივთიერებების ქვეშ, ამაზე ჯერ პასუხი არ გვაქვს

ორსული ცოლის მკვლელობის საქმის პროკურორის გიორგი ქობულაძის განცხადებით, ბრალდებულისგან მოწოდებული ინფორმაციით, ის ნარკოტიკული საშუალებების მომხმარებელი იყო და გარკვეული სახის მკურნალობას გადიოდა.

როგორც პროკურორი აცხადებს, მკურნალობას ის ფსიქიატრიული კუთხით გადიოდა თუ ნარკომანიის დაძლევის კუთხით, ამაზე გამოძიებას პასუხი დოკუმენტების მიღების შემდეგ ექნება.

„ბრალდებულს ბრალი ედება ორსული მეუღლის მიმართ განსაკუთრებული სისასტიკით ჩადენილ მკვლელობაში. რა თქმა უნდა, ბრალდების მხარე შუამდგომლობდა, რომ საფრთხეებიდან გამომდინარე, რაც გამოიხატებოდა შესაძლო მიმალვის საფრთხეში, მტკიცებულების განადგურებისა და ახალი დანაშაულის ჩადენის საფრთხეში, მას შეფარდებოდა პატიმრობა. სასამართლომ გაიზიარა წარმოდგენილი და ბრალდებულს აღკვეთის ღონისძიების სახით შეუფარდა პატიმრობა. დღეს სასამართლო სხდომაზე ბრალდებულს ბრალი არ უარყვია, თუმცა, გამოძიების ეტაპზე იგი იყენებს დუმილის უფლებას. რაც შეეხება მტკიცებულებებს რაც სახეზეა, მათ შორის მეზობლების ჩვენებებს, შემთხვევის ადგილიდან ამოღებულ იქნა არაერთი მტკიცებულება, მათ შორის სისხლიანი დანა, სხვა სისხლიანი ნივთები და უკვე საექსპერტო კვლევის შედეგად მივიღეთ დამატებითი მტკიცებულებები. იყო თუ არა ბრალდებული შემთხვევისას ფსიქოტროპული ნივთიერებების ქვეშ ამაზე ჯერ არ გვაქვს პასუხი. ვიზუალურად შეგვიძლია ვთქვათ, რომ არ იყო.

რაც შეეხება კითხვას, იწვა თუ არა კლინიკაში, როგორც თავად მისგან გვაქვს ინფორმაცია, გარკვეული სახის მკურნალობას გადიოდა, იყო ნარკოტიკული საშუალებების მომხმარებელი. ეს ფსიქიატრიული კუთხით იყო თუ ნარკომანიის დაძლევის კუთხით, დოკუმენტების მიღების შემდეგ გვექნება ინფორმაცია,“- განაცხადა პროკურორმა.

ცნობისთვის, ორსული ცოლის, ქეთა კეპულაძის განსაკუთრებული სისასტიკით მკვლელობაში ბრალდებულ გოგა გზირიშვილს აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლემ გიორგი გელაშვილმა გამოაცხადა.

გიორგი კაჭარავა - ყაზახეთში არსებული ვითარება ბევრ კითხვებს ბადებს, თუ რა სცენარით განვითარდება პროცესები, დასკვნების გაკეთება აშკარად ნაადრევია
მამუკა გამყრელიძე - მსოფლიოში  დაიწყო ახალი გადანაწილება,  არსებული შეთანხმებები და  ფორმატები  ეფექტურად ვეღარ მუშაობს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ავერსი სოციალურად დაუცველ პენსიონერს მერიის 500-ლარიანი ვაუჩერის პროგრამის ფარგლებში მოემსახურება ყოველდღე ფასდაკლებით და საჩუქრად გადასცემს 50-ლარიან სასაჩუქრე ბარათს
„მაგნიტში“ გრანდიოზული საიუბილეო გათამაშება დაიწყო
სილქფესტი სასაუბრო და ინტერნეტ პაკეტების ჩართვას სხვადასხვა პირობით გვთავაზობს
IONIQ 5-ისა და TUCSON-ის ჰოლივუდური დებიუტი ახალ სპაიდერმენში