სოზარ სუბარი - მოვუწოდებ ყოფილ თანაგუნდელებს, ვინც ახლა გიორგი გახარიას გუნდშია და არიან საკრებულოებში, მათი პარტიის ლიდერის პოლიტიკას კარგად დააკვირდნენ და მიიღონ შესაბამისი გადაწყვეტილებები

მექნება თხოვნა და მოწოდება ჩვენი იმ ყოფილი თანაგუნდელების მიმართ, ვინც დღეს გიორგი გახარიას გუნდშია და არიან საკრებულოებში, მათი პარტიის ლიდერის პოლიტიკას კარგად დააკვირდნენ და მიიღონ შესაბამისი გადაწყვეტილებები, უღირთ თუ არა ამ პარტიაში დარჩნენ, - აღნიშნული განცხადება დღეს ჟურნალისტებთან პარლამენტის რეგიონული პოლიტიკის კომიტეტის თავმჯდომარემ სოზარ სუბარმა გააკეთა.

როგორც ამ კონტექსტში სუბარმა აღნიშნა, ის რაც ჩხოროწყუში მოხდა, მკაფიო დადასტურებაა იმისა, რომ გიორგი გახარიას პოლიტიკა თანამდებობიდან გადადგომიდან დღემდე "ნაციონალური მოძრაობის" გაძლიერება იყო.

"ამის ყველაზე მკაფიო დასტური იყო, როცა მან საკუთარი თავი თბილისის მერობის კანდიდატად დააყენა. ის ამბობდა, რომ თბილისის მერობის კანდიდატი ჰყავდა, კანდიდატი იქნებოდა სხვა, თუმცა ბოლოს საკუთარი კანდიდატურა დააყენა, რისი ერთადერთი მიზანი იყო, რომ როგორმე არჩევნების მეორე ტური ჩაეტარებინათ და მეორე ტურში "ნაციონალური მოძრაობის" კანდიდატი ნიკა მელია გადაეყვანა. სახელი არ ჰქვია იმას, რაც ნიკა მელიას გამო მისი გადადგომა იყო. გუშინ ჩხოროწყუში კიდევ ერთხელ დადასტურდა, როცა გიორგი გახარიას პარტიის და „ნაციონალური მოძრაობის" ალიანსი გაკეთდა", - განუცხადა ჟურნალისტებს სოზარ სუბარმა.

ცნობისთვის, ჩხოროწყუს საკრებულოს თავმჯდომარე გახარიას გუნდის წევრი შოთა წურწუმია გახდა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა