მაღალმთიანი აჭარისა და ხელვაჩაურის მაჟორიტარი დეპუტატი უმაღლეს საბჭოში ფრიდონ ფუტკარაძე ხულოს მუნიციპალიტეტის მერთან, ვახტანგ ბერიძესთან ერთად, ადმინისტრაციულ ცენტრებთან მისასვლელი და სოფლებთან დამაკავშირებელი გზების გაწმენდითი სამუშაოების მიმდინარეობის პროცესს გაეცნო. ამის შესახებ ინფორმაციას აჭარის მთავრობა ავრცელებს.
მათივე ცნობით, ფრიდონ ფუტკარაძე შუახევისა და ქედის მერიაში საგანგებო სიტუაციების მართვის შტაბების სხდომებს დაესწრო.
ამასთან, სხდომებზე, მუნიციპალიტეტებში უხვი ნალექის შედეგად შექმნილ ვითარებასა და საჭიროების შემთხვევაში გასატარებელ ოპერატიულ ღონისძიებებზე იმსჯელეს.