ქრისტეშობის დღესასწაულთან დაკავშირებით, თბილისში, სახარების რწმენის ეკლესიაში, საშობაო მსახურება გაიმართა, რომელსაც ეპისკოპოსი ოლეგ ხუბაშვილი უძღვებოდა.

რელიგიის საკითხთა სახელმწიფო სააგენტოს ინფორმაციით, საშობაო ლიტურგიას ესწრებოდნენ რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი სპეციალისტი, გიორგი პატაშური და სამართლებრივი უზრუნველყოფის სამსახურის სპეციალისტი, სანდრო შეყილაძე, რომელმაც ეკლესიაში შეკრებილ მრევლსა და სასულიერო პირებს, საქართველოს მთავრობის სახელით, დღესასწაული მიულოცა.

მათივე ცნობით, საქართველოს სახარების რწმენის ეკლესიის ეპისკოპოსმა, ოლეგ ხუბაშვილმა შეკრებილთ ქრისტეშობა მიულოცა და მადლობა გადაუხადა რელიგიის საკითხთა სახელმწიფო სააგენტოს თანადგომისათვის.