პაატა მანჯგალაძე - პარლამენტის თავმჯდომარის ასეთი ხშირი ცვლილება „ქართულ ოცნებაში“ არსებულ დაპირისპირებაზე მიუთითებს, ასეთი დაპირისპირება, რა თქმა უნდა, არსებობს

პარლამენტის თავმჯდომარის ასეთი ხშირი ცვლილება „ქართულ ოცნებაში“ არსებულ დაპირისპირებაზე მიუთითებს, ასეთი დაპირისპირება, რა თქმა უნდა, არსებობს,-ასე შეაფასა „სტრატეგია აღმაშენებლის“ ერთ-ერთმა წევრმა, პაატა მანჯგალაძემ პარლამენტის თავმჯდომარის, კახა კუჭავას გადადგომა.

მას ეჭვი ეპარება იმაში, რომ პარლამენტის თავმჯდომარეობის კანდიდატი, შალვა პაპუაშვილი ქვეყნისთვის სასიკეთო საქმეების გაკეთებას შეძლებს. როგორც პაატა მანჯგალაძე განმარტავს, მის უკან დგას გუნდი, რომელსაც ამის ნება არ გააჩნია.

„კუჭავა რასაც აკეთებდა დიპლომატიურად, ახლა ამას გააკეთებს პაპუაშვილი პირდაპირ, ხისტად, ყოველგვარი შემოვლისა და დიპლომატიის გარეშე. ეს იქნება განსხვავება. სამწუხაროა ის, რომ საქართველოში არცერთი კონსტიტუციური ორგანო თავის ფუნქციას არ ასრულებს და ამას თქვენც გრძნობთ. ყველა თანამდებობა ფიქციაა. მანქანა ემსახურებათ, პრემიებს, ხელფასებს იღებენ, მაგრამ ამის უკან არანაირი შინაარსი არ გააჩნიათ არც პრემიერ-მინისტრს, არც პარლამენტის თავმჯდომარეს სამწუხაროდ. ჩვენ ყველამ ერთად უნდა შევძლოთ, რომ ძალაუფლება კულუარებიდან ისევ საჯარო სივრცეში გადმოვიტანოთ, როგორც არის კონსტიტუციით განსაზღვრული", - განაცხადა მანჯგალაძემ.

ცნობისთვის, კახა კუჭავას პარლამენტის თავმჯდომარის პოსტზე შალვა პაპუაშვილი შეცვლის.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!