PIN-ის ორგანიზებითა და ევროკავშირის მხარდაჭერით, წყალტუბოში საშობაო ბაზრობა გაიმართა

People in Need (PIN), ევროკავშირის მხარდაჭერით, პროექტის LAG Tskaltubo ფარგლებში, ქალაქ წყალტუბოში, ცენტრალურ მოედანზე, პროექტის მიერ მხარდაჭერილი ბენეფიციარების წარმოებული პროდუქციის გამოფენა-გაყიდვა გაიმართა. ამის შესახებ ინფორმაციას საქართველოში ჩეხეთის საელჩო ავრცელებს.

ორგანიზატორების ინფორმაციით, ღონისძიებაზე მოწვეული იყვნენ ჩეხეთის საელჩოს, სოფლის მეურნეობის სამინისტროს, ადგილობრივი და მუნიციპალური მთავრობის, ENPARD-ის პარტნიორი ორგანიზაციების და მედიის წარმომადგენლები, ასევე სხვა დაინტერესებული მხარეები.

მათივე ცნობით, საშობაო ბაზრობაზე აგრეთვე მოწვეული იყვნენ საქართველოს მასშტაბით მოქმედი წარმატებული ბიზნესები, რომელთაც შესაძლებლობა მიეცათ ახლოს გაიცნონ წყალტუბოს ადგილობრივი წარმოება და დაგეგმონ სამომავლო თანამშრომლობა.

„ღონისძიების შესახებ დამატებითი ინფორმაციის მისაღებად, ეწვიეთ ღონისძიების ბმულს:

პროექტი "წყალტუბოს განვითარების ჯგუფი" ხორციელდება ევროკავშირის მხარდაჭერით ENPARD-ის პროგრამის ფარგლებში. პროექტი წყალტუბოს რეგიონში LEADER-ის მიდგომის დანერგვით, წვლილს შეიტანს სიღარიბის შემცირებაში და განავითარებს ადგილობრივი თვითმმართველობის გადაწყვეტილების მიღების პროცესში მონაწილეობითი მექანიზმების დანერგვას. მცირე გრანტების ფარგლებში მხარდაჭერილი იქნება ინდივიდუალური ბიზნეს და სოციალური, ინიციატივები რომლებიც ინოვაციას შეიტანენ რეგიონში და გააუმჯობესებენ ადგილობრივი მოსახლეობის ცხოვრების დონეს“,- ნათქვამია ინფორმაციაში.

ENPARD-ის შესახებ მეტი ინფორმაციისთვის ეწვიეთ ვებსაიტს.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა