ანა ნაცვლიშვილი - სახელმწიფო ინსტიტუტზე რეფორმის საფარქვეშ ხდება დარტყმის განხორციელება - მოვუწოდებთ ჩვენს მეგობრებს და პარტნიორებს, აქტიურად ჩაერთონ ამ პროცესში

ჩვენ მიგვაჩნია, რომ ეს კანონპროექტი არის რეფორმის საფარქვეშ დარტყმის განხორციელება, სახელმწიფო ინსპექტორზე - მოვუწოდებთ ყველა დაინტერესებულ პირს, მათ შორის, ჩვენს მეგობრებს და პარტნიორებს, რომ აქტიურად ჩაერთონ ამ პროცესში, რადგან ეს პროცესი უნდა შეჩერდეს, რადგან ამ პროცესის გაგრძელება ძალიან ღია და მძიმე დარტყმა იქნება ზოგადად სახელმწიფო ინსტიტუციებზე, - ამის შესახებ "ლელოს" ერთ-ერთმა ლიდერმა ანა ნაცვლიშვილმა ოპოზიციის მიერ ერთობლივად გამართულ ბრიფინგზე განაცხადა.

მისი თქმით, დაუშვებელია კანონპროექტის დაჩქარებული წესით განხილვა.

"საქართველოს პარლამენტში ინიცირებულია "ქართული ოცნების" 7 დეპუტატის მიერ კანონპროექტი, რომელიც მიზნად ისახავს სახელმწიფო ინსპექტორის სამსახურის გაუქმებას და პარლამენტის მიერ არჩეული სახელმწიფო ინსპექტორის თანამდებობიდან ჩამოცილებას. ჩვენ მიგვაჩნია, რომ აღნიშნული კანონპროექტი წარმოადგენს ღია გზავნილს უმრავლების მხრიდან, ყველა მათგან დამოუკიდებელი თუ მეტ-ნაკლებად დამოუკიდებელი ინსტიტუციის მიმართ და ასევე, საჯარო მოხელეების მიმართ, რომ ისინი დაისჯებიან საკუთარი პროფესიული მოვალეობის შესრულებისთვის.

საგანგაშოა ის ფაქტი, რომ ახალი წლის წინა კვირაში არის ეს ინიციატივა შემოსული, ის მომზადებულია ყველასგან ფარულად და ინიციატორები ითხოვენ ამ ძალიან სქელი პაკეტის, მთელი რიგი კანონების ცვლილებას და მიღებას დაჩქარებული წესით. ჩვენ მიგვაჩნია, რომ ეს კანონპროექტი არის რეფორმის საფარქვეშ დარტყმის განხორციელება სახელმწიფო ინსპექტორზე და ხელისუფლებისგან დამოუკიდებელ ყველა ინსტიტუციაზე და ასევე, მიგვაჩნია, რომ დაუშვებელია ასეთი სქელტანიანი პროექტის დაჩქარებული წესით განხილვა. მოვუწოდებთ ყველა დაინტერესებულ პირს, მათ შორის, ჩვენს მეგობრებს და პარტნიორებს, რომ ჩაერთონ ამ პროცესში, რადგან ეს პროცესი უნდა შეჩერდეს, რადგან ამ პროცესის გაგრძელება ძალიან ღია და მძიმე დარტყმა იქნება სახელმწიფო ინსტიტუციებზე", - განაცხადა ნაცვლიშვილმა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა