ლევან დავითაშვილი - საზოგადოებრივი დასაქმების საკითხებზე მუშაობა მიმდინარეობს

მნიშვნელოვანია, მაქსიმალურად მოხდეს ჩვენი მოქალაქეების კერძო სექტორში დასაქმება, მაგრამ თუ კერძო სექტორი ვერ ახერხებს მოსახლეობის დიდი რაოდენობის დასაქმებას, ჩვენ მოვახდენთ საჯარო სამუშაოების დაორგანიზებასაც, ეს იქნება როგორც მუნიციპალურ დონეზე, ისე სხვადასხვა სამინისტროს მიმართულებით, - ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა ბრიფინგზე განაცხადა.

დავითაშვილის განცხადებითვე, მნიშვნელოვანია ევროპული ქვეყნების შესაბამისად, საქართველოშიც მოხდეს ამ პრაქტიკის დანერგვა.

მისი თქმით, ამ მიმართულებით სამინისტრო უკვე აქტიურად მუშაობს.

„საზოგადოებრივი დასაქმების საკითხებზე მიდის მუშაობა. ჩვენ რამდენიმე შეხვედრა გვქონდა და გვაქვს გარკვეული კონცეფცია, მონახაზი, რომელზეც მოსახლეობას 2022 წლის დასაწყისში უფრო მეტ ინფორმაციას მივაწვდით. მნიშვნელოვანია გავითვალისწინოთ ყველა ის პრაქტიკა, რომელიც ჰქონდა ევროპულ ქვეყნებს და მოხდეს ამ პრაქტიკის ადაპტაცია ჩვენს რეალობაზე. დღეს ჩვენ სრულად გავაანალიზეთ ის ინფორმაცია, რომელიც არსებობდა ჯანდაცვის სამინისტროში დასაქმების კუთხით და დასაქმების სააგენტოს გააჩნია ინფორმაცია შრომისუნარიანი მოსახლეობის შესახებ, რომელიც იღებს სოციალურ შემწეობას.

ორი ნაწილი იქნება მნიშვნელოვანი, რომ მაქსიმალურად მოხდეს ჩვენი მოქალაქეების კერძო სექტორში დასაქმება, ეს იქნება პრიორიტეტი, მაგრამ თუ კერძო სექტორი ვერ ახერხებს მოსახლეობის დიდი რაოდენობის დასაქმებას, შესაბამისად მოვახდენთ საჯარო სამუშაოების დაორგანიზებასაც, ეს იქნება როგორც მუნიციპალურ დონეზე, ისე სხვადასხვა სამინისტროს მიმართულებით. უკვე მუშაობენ ამ მიმართულებით, კონკრეტულად რა საჭიროებები გვაქვს და სად შეიძლება ადამიანების დასაქმება, მათ შორის ძალიან მნიშვნელოვანი კომპონენტია განათლება და უნარების კომპონენტი, - ამაში განათლების სამინისტრო არის ჩართული. ეს არ არის ფორმალური განათლება, პროფესიული ან უმაღლესი, ჩვენ ხშირ შემთხვევაში, გვჭირდება კონკრეტული უნარები, კვალიფიკაციის ამაღლება, ჩამოყალიბება კონკრეტული სამუშაოს შესასრულებლად“, - განაცხადა ლევან დავითაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!