სამწუხაროდ, ეს ცვლილება არანაირ დადებით ეფექტს არ იქონებს, არანაირი მნიშვნელობა არ აქვს, ვინ იქნება ჯანდაცვის მინისტრი ამ სისტემაში, - ამის შესახებ „ევროპული საქართველოს“ წევრმა ვახტანგ კალოიანმა განაცხადა.
მისი თქმით,"ქართულმა ოცნებამ" განსაზღვრა ჯანდაცვის პოლიტიკის ძირითადი მიმართულებები ბიუჯეტში, რომელიც იგივე შედეგებს მოგვიტანს, რასაც აქამდე.
„ჯანდაცვის მინისტრის ეს ცვლილება შიდა პოლიტიკური თამაშების შედეგია, მას არანაირი გავლენა არ ექნება ჯანდაცვის პოლიტიკაზე. "ქართულმა ოცნებამ" განსაზღვრა ჯანდაცვის პოლიტიკის ძირითადი მიმართულებები ბიუჯეტში, რომელიც იგივე შედეგებს მოგვიტანს, რასაც აქამდე - უამრავი გარდაცვლილი, მძიმე მდგომარეობა ჰოსპიტალურ სექტორში, პირველად ჯანდაცვაში, გაძვირებული სამედიცინო სერვისები, გაძვირებული მედიკამენტები. სამწუხაროდ, ეს ცვლილება არანაირ ეფექტს არ იქონიებს, არანაირი მნიშვნელობა არ აქვს, ვინ იქნება ჯანდაცვის მინისტრი ამ სისტემაში“, - განაცხადა კალოიანმა.