ირაკლი ხმალაძე - უსახლკაროს სტატუსის მქონე ოჯახების საცხოვრებელი ფართებით დაკმაყოფილება რიგითობის პრინციპით მოხდება

დედაქალაქის ვიცე-მერის, ირაკლი ხმალაძის განცხადებით, უსახლკაროს სტატუსის მქონე ოჯახების საცხოვრებელი ფართებით დაკმაყოფილება 2022 წლიდან ეტაპობრივად მოხდება.

როგორც მან დედაქალაქის საკრებულოს სხდომაზე კითხვა-პასუხის რეჟიმის დროს აღნიშნა, მომავალ წელს ფართებით 65 ოჯახი დაკმაყოფილდება. ერთ ოჯახზე კი საშუალოდ, 25 000 აშშ დოლარია გათვალისწინებული.

„2022 წელს გათვალისწინებულია 65 ოჯახის დაკმაყოფილება ბინით. ერთ ოჯახზე საშუალო დანახარჯი 25 000 აშშ დოლარი გამოდის. შეიძლება ცალკეულ შემთხვევაში იყოს მეტი, შეიძლება იყოს ნაკლები. უნდა გავითვალისწინოთ, რომ ეს არის მუნიციპალიტეტის ქონება, რომელიც სარგებლობის უფლებით გადაეცემა უსახლკაროს სტატუსის მატარებელს“, - აღნიშნა ირაკლი ხმალაძემ.

რაც შეეხება თანმიმდევრობას, ვიცე-მერის განმარტებით, მუნიციპალიტეტი აპირებს, რომ უსახლკაროს სტატუსის მქონე ოჯახების საცხოვრებელი ფართებით დაკმაყოფილება რიგითობის პრინციპით მოხდეს.

ირაკლი ხმალაძემ აქვე, დედაქალაქის საკრებულოს ოპოზიციონერ დეპუტატებს მიმართა და აღნიშნა, რომ თუ მათ ექნებათ სხვა იდეა, აუცილებლად წარმოადგინონ და შეიძლება პროგრამაში გარკვეული ცვლილები შევიდეს.

„რაც შეეხება თანმიმდევრობას, ჩვენი მოსაზრება ასეთია: ხალხს უსახლკაროს სტატუსი აქვს მინიჭებული, რასაც თავისი თარიღები გააჩნია. შესაბამისად, რიგითობის პრინციპით ვფიქრობთ წასვლას, თუმცა, თუ სხვა მოსაზრება გაქვთ, მოგვაწოდეთ თქვენი იდეები. ჩვენ ამაზე ღიად ვიმსჯელებთ, შევიტანთ ცვლილებას და გარკვეულ ფაქტორებსაც გავითვალისწინებთ. შეიძლება მოხდეს პრიორიტეტების შემოღება ან დავადგინოთ გარკვეული გამონაკლისი, რომ თანმიმდევრობა სამართლიანი იყოს“, - განაცხადა თბილისის ვიცე-მერმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!