ნინო ბურჯანაძე - ქალბატონი სალომე ახლა იქცევა, როგორც პრეზიდენტი

ქალბატონი სალომე ახლა იქცევა როგორც პრეზიდენტი და ამიტომ აღვიქვამთ როგორც ადამიანს, რომელიც პრეზიდენტია, მანამდე არ იქცეოდა როგორც პრეზიდენტი, - ამის შესახებ "ერთიანი საქართველოს" ლიდერმა ნინო ბურჯანაძემ "პალიტრანიუსის" გადაცემაში "360 გრადუსი" განაცხადა.

მისივე თქმით, მიუხედავად „ქართული ოცნებისადმი“ კრიტიკული განცხადებებისა, სალომე ზურაბიშვილი „ოპოზიციის მხარდამჭერი“ არ უნდა გახდეს.

„მოდი პირდაპირ ვთქვათ, მე შევხვდი ქალბატონ სალომეს და საკმაოდ კონსტრუქციული საუბარი გვქონდა და აღვუთქვი კიდეც მაქსიმალური დახმარება. მე არავისზე არავითარი წყენა არ მაქვს. მე პოლიტიკოსი ვარ და თუ არის წყენა, ეს გარეთ არასდროს არ გამოვა, საქმეს არასდროს ხელს არ შეუშლის, მაგრამ მოდით გულწრფელად ვთქვათ, რომ ქალბატონი სალომე ახლა იქცევა როგორც პრეზიდენტი და ამიტომ აღვიქვამთ როგორც ადამიანს, რომელიც პრეზიდენტია, მანამდე არ იქცეოდა როგორც პრეზიდენტი.

მე სულაც არ მინდა, რომ ქალბატონი სალომე გახდეს ოპოზიციის მხარდამჭერი იმიტომ, რომ ასეთ შემთხვევაში ის დაკარგავს ნეიტრალურობას და ის, რაც არის მიმზიდველი ამ შემთხვევაში მის თანამდებობაში, პრეზიდენტის თანამდებობაში, რაც აძლევს მას იმის შესაძლებლობას, რომ მართლაც განსაკუთრებული როლი ითამაშოს, ამ შემთხვევაში ის ამას დაკარგავს. შენ, როგორც პრეზიდენტი, ხარ ხელისუფლების მომხრე თუ ოპოზიციის მომხრე, მეორე ნაწილისთვის ყველა შემთხვევაში მიუღებელი ხარ. შენ უნდა დაანახო მოსახლეობას, რომ არცერთი პოლიტიკური პარტიის სიმპათია-ანტიპათიიდან არ გამოდიხარ“, - განაცხადა ნინო ბურჯანაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!