ირაკლი ღარიბაშვილი - ჩვენი მოსახლეობის ფული, მილიარდ 500 მილიონი იხარჯება ონლაინ კაზინოებში, რაც კატასტროფა და დანაშაულია

ჩვენი მოსახლეობის ფული, მილიარდ 500 მილიონი იხარჯება ონლაინ კაზინოებში, რაც კატასტროფა და დანაშაულია, - ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა.

მთავრობის მეთაურმა პარლამენტის დეპუტატებს მის მიერ წარდგენილი კანონპროექტის მხარდაჭერისთვის მადლობა გადაუხადა და აღნიშნა, რომ აზარტული თამაშების გამო კიდევ უფრო გაღარიბდა და გაღატაკდა სოციალურად დაუცველი ფენა, რომელიც ადვილად მოწყვლადია და მათი ნაწილი, აზარტული თამაშების გარდა ნარკომანიაში და სხვა გაუგებარ საქმიანობაშია ჩართული, რისი შეცვლაც აუცილებელია.

„მე მინდა პარლამენტს და თითოეულ დეპუტატს მადლობა გადავუხადო, რომელმაც მხარი დაუჭირა ჩემს ინიციატივას, რომელიც აზარტულ თამაშებს არეგულირებს. ინიციატივა ბოლომდე მივიყვანეთ და ეს კანონი მივიღეთ. ასაკობრივი ზღვარი ავწიეთ 25 წლამდე და ეს იყო ყველაზე კრიტიკული იმიტომ, რომ ახალგაზრდები ლუდომანიის და აზარტული თამაშების მანკიერ მხარეებს სამწუხაროდ ვერ აცნობიერებენ. ამ თამაშების გამო კიდევ უფრო გაღარიბდა და გაღატაკდა ჩვენი მოსახლეობა და გაღატაკდა ვინ?! ძირითადად სოციალურად დაუცველი ფენა, ისევ ღარიბები. წარმოიდგინეთ, ჩვენი მოსახლეობის ფული, მილიარდ 500 მილიონი იხარჯება აი ამ გაუგებარ აზარტულ თამაშებში, ონლაინ კაზინოები მაქვს მხედველობაში. ეს ხომ კატასტროფა და დანაშაულია?! რა თქმა უნდა უკეთესია, რომ ეს მილიარდ ნახევარი თავიანთი ოჯახებისთვის, შვილებისთვის, პირადი კომფორტისთვის გამოიყენონ და აი ამ გადაწყვეტილებას დავეხმარეთ. ეს ფენა უფრო ადვილად მოწყვლადია და მათი ნაწილი, აზარტული თამაშების გარდა ნარკომანიაში და სხვა გაუგებარ საქმიანობაშია ჩართული, ეს უნდა შევცვალოთ უკეთესობისკენ. ეს ადამიანები უნდა ჩავრთოთ სამუშაო ადგილების შექმნაში, სპორტი და სხვა ჯანსაღი ცხოვრების წესი უნდა შევთავაზოთ ამ ადამიანებს",- განაცხადა ირაკლი ღარიბაშვილმა „იმედის“ ეთერში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!