ამირან გამყრელიძე - საქართველოში დადასტურებული „ომიკრონის“ 63 შემთხვევიდან უმრავლესობა შემოტანილია

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საქართველოში დადასტურებული „ომიკრონის“ 63 შემთხვევიდან უმრავლესობა შემოტანილია.

როგორც მან საკოორდინაციო საბჭოს სხდომის დასრულების შემდეგ ბრიფინგზე აღნიშნა, სტაციონარში 3 პაციენტია მოთავსებული, რადგან ზოგიერთ მათგანს თანმხლები დაავადება აქვს.

„63 „ომიკრონ“ დადებითი შემთხვევიდან უმრავლესობა შემოტანილია, თითქმის ყველას კონტაქტების და ჩაღრმავებული ეპიდკვლევა მიმდინარეობს. მძიმე არცერთი პაციენტი არ გახლავთ. უმრავლესობა აცრილია. 6-ს ჰქონდა გადატანილი და რეინფექცია არის. მათგან 18 წლამდე იყო 5 მოზარდი და ბავშვი. სტაციონარში არის მხოლოდ 3, მაგრამ არაა იმიტომ, რომ მათ სტაციონარში მკურნალობა სჭირდებათ, იქ არის სხვა ფაქტორები გამოკვლევებისთვის, რადგან თანმხლები დაავადებები აქვთ“, - განაცხადა გამყრელიძემ.

მისი თქმით, 2-3 კვირის ფარგლებში „ომიკრონი“ შესაძლოა, დომინანტი გახდეს. ამასთან, როგორც ამირან გამყრელიძე განმარტავს, კორონავირუსით ინფიცირების ახალი შემთხვევები იკლებს, თუმცა, ნელი ტემპით.

„სამწუხაროდ, ისევ ზემოთაა სიკვდილიანობის მაჩვენებელი, რომელიც მილიონ მოსახლეზე 17%-ია, რაც დაახლოებით 2-ჯერ მეტია ჩვენს ზღურბლოვან ინდიკატორზე. აცრების მოცვა და მაჩვენებელი დეკემბერში უკეთესი გვაქვს“, -განაცხადა გამყრელიძემ.

მისი განმარტებით, აცრებზე წახალისების კამპანიამ დადებითი როლი ითამაშა 60 წლის ზემოთ ასაკობრივი ჯგუფის მიმართვიანობაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!