გიორგი შარაშიძე - აუცილებელია, საკრებულომ პასუხი მიიღოს თბილისის მერისგან კითხვაზე, რატომ უძვირდებათ მოქალაქეებს ტრანსპორტის საფასური

მოვუწოდებთ თბილისის მერს კახა კალაძეს პირადად გამოცხადდეს ხვალინდელ სხდომაზე, - ამის შესახებ ფრაქცია "თბილისი საქართველოსთვის" წევრმა გიორგი შარაშიძემ დღეს გამართულ ბრიფინგზე განაცხადა.

"გასულ კვირას, თბილისის მერს კახა კალაძეს მოვუწოდეთ მოსულიყო საკრებულოში და ხალხის მიერ არჩეული დეპუტატების წინაშე პასუხი გაეცა ყველაზე აქტუალურ კითხვაზე და პრობლემაზე, რაც უკავშირდება ფასების ზრდას საზოგადოებრივ ტრანსპორტზე. სამწუხაროდ, კალაძე არ გამოცხადდა გუშინდელ სხდომაზე, რის გამოც ჩვენმა ფრაქციამ დატოვა სხდომა, რადგან მიგვაჩნია, რომ დღეს თბილისელებისთვის არ არსებობს იმაზე მწვავე და მტკივნეული პრობლემა ვიდრე ფასების გაძვირებაა და შესაბამისად, თბილისის მერს არ უნდა ჰქონდეს იმაზე უფრო მნიშვნელოვანი საქმე, ვიდრე ამ პრობლემურ საკითხზე ხალხის მიერ არჩეული დეპუტატების წინაშე პასუხის გაცემა. მით უფრო, ისეთ ინიციატივაზე, რომელიც არ ყოფილა წარმოდგენილი კალაძის წინასაარჩევნო პროგრამაში.

როგორც ჩანს, კახა კალაძე, კვლავ ვერ ბედავს მწვავე კითხვებზე პასუხის გაცემას, ისევე როგორც, ვერ გაბედა წინასაარჩევნო პერიოდში და არ დაუჯდა პირდაპირ ეთერში დებატებში გიორგი გახარიას.

ფრაქცია „თბილისი საქართველოსთვის'' , კიდევ ერთხელ სარგებლობს ამ შესაძლებლობით და კიდევ ერთხელ მოუწოდებს თბილისის მერს, პირადად გამოცხადდეს ხვალინდელ სხდომაზე და პასუხები გასცეს იმ პრობლემურ საკითხებზე, რაც უკავშირდება ფასების გაძვირებას, ასევე უპასუხოს კითხვას, როგორ აპირებს გახდეს თბილისის მერია კიდევ უფრო ანგარიშვალდებული კიდევ უფრო გამჭვირვალე თბილისელების წინაშე და რაც ყველაზე მთვარია, რას აპირებს და როგორ რეაგირებას აპირებს ჩვენს ინიციატივაზე, იმასთან დაკავშირებით რომ თბილისის საკრებულოში შეიქმნას დროებითი ანტიკორუფციული კომისია, რომელიც იქნება ყველაზე ქმედითი ინსტრუმენტი კორუფციის რისკებისგან დასაზღვევად ", - განაცხადა გიორგი შარაშიძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!