მცხეთა-მთიანეთის რეგიონში მოქალაქეთა მესამე დოზით ვაქცინაცია შეუფერხებლად მიმდინარეობს. ე.წ. "ბუსტერ" დოზით უკვე აიცრა მხარის სახელმწიფო რწმუნებული დავით ნოზაძე. ამის შესახებ ინფორმაცის მცხეთა-მთიანეთის მხარის სახელმწიფო რწმუნებულის ადმინისტრაცია ავრცელებს.
დავით ნოზაძემ, ვაქცინაცია ქალაქ მცხეთაში, მასობრივი იმუნიზაციის ცენტრში ჩაიტარა.
„ორი აცრა ჩინური წარმოების „სინოფარმით“ მაქვს გაკეთებული. დღეს კი "ბუსტერ" დოზით , „ფაიზერის” ვაქცინით ავიცერი.
მინდა, ჩვენს მოსახლეობას კიდევ ერთხელ მოვუწოდო, რომ ყველა მაქსიმალურად ჩაერთოს ვაქცინაციის პროცესში, რათა გავუფრთხილდეთ ერთმანეთის ჯანმრთელობას და ხელი შევუწყოთ ქვეყნის მომავალ განვითარებას“, - განაცხადა დავით ნოზაძემ.
ცნობისთვის, რეგიონში ამ ეტაპზე მასობრივი იმუნიზაციის 5 ცენტრი და სოფლის 22 ამცრელი დაწესებულება ფუნქციონირებს, სადაც აცრა მოქალაქეებს „სინოფარმის“, „სინოვაკისა“ და „ფაიზერის“ ვაქცინებით შეუძლიათ.