მიხეილ სააკაშვილის საქართველოში შემოსვლის საქმეზე დაკავებულები კვლავ პატიმრობაში რჩებიან

მიხეილ სააკაშვილის საქართველოში შემოსვლის საქმეზე დაკავებულები- გიორგი ნარიმანიძე, ელგუჯა ცომაია, ზურაბ და შალვა წოწორიები კვლავ პატიმრობაში რჩებიან. აღნიშნული გადაწყვეტილება თბილისის საქალაქო სასამართლოს მოსამართლემ ქეთევან ჯაჭვაძემ გამოაცხადა.

დღევანდელ სხდომაზე სასამართლომ დაკავებულების მიმართ შეფარდებული პატიმრობა გადაისინჯა.

პროკურორ ლევან ვეფხვაძის განცხადებით, ამ ეტაპზე საქმეზე ახალი არსებითი გარემოება გამოვლენილი არ არის. მისივე თქმით, მიუხედავად იმისა, რომ ბრალდებულებმა დანაშაული აღიარეს, ეს იმ დონის საფუძველი არ არის, რომ აღკევთის ღონისძიება პატიმრობა უფრო მსუბუქით ღონისძიებით შეიცვალოს. დაკავებულების ადვოკატები პროკურატურის პოზიციას არ დაეთანხმნენ და აღნიშნეს, რომ ისინი გირაოს სანაცვლოდ უნდა გათავისუფლებულიყვნენ.

ადვოკატებმა გირაოს ოდენობის განსაზღვრა სასამართლოს მიანდეს. ოთხივე ბრალდებულის საქმე სასამართლოს არსებითად განსახილველად გადაეცა.

ცნობისთვის, გამოძიება საქართველოს სისხლის სამართლის კოდექსის 375-ე მუხლის მეორე ნაწილით, 344-ე პრიმა მუხლის მე-3 ნაწილის "ა" ქვეპუნქტით და 344-ე მუხლის პირველი ნაწილით მიმდინარეობს. ბრალდებულებს გიორგი ნარიმანიძეს, ელგუჯა ცომაიას, შალვა და ზურაბ წოწორიებს მძიმე დანაშაულის დაფარვას ედავებიან. რაც შეეხება ელგუჯა ცომაიას, მას ასევე ბრალი წარდგენილი აქვს საზღვრის უკანონო გადმოკვეთაში დახმარებისთვის.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს