ლონდა თოლორაია - სამოხელეო კონტექსტში დანაშაულთა იმ მუხლებით ჩადენა, რაც საგამოძიებო სამსახურის ქვემდებარეობას ემატება, პრაქტიკულად შეუძლებელია

სახელმწიფო ინსპექტორი “რეფორმის იმიტაციას“ უწოდებს პარლამენტში წარდგენილი საკანონმდებლო პეკეტის იმ ნაწილს, რომლის მიხედვით, სპეციალური საგამოძიებო სამსახურის ქვემდებარე სისხლის სამართლის მუხლები იზრდება.

როგორც თოლორაია განმარტავს, აღნიშნული მუხლებით გათვალისწინებული დანაშაულების სამოხელეო კონტექსტში ჩადენა პრაქტიკულად შეუძლებელია, ხოლო თუ ის სამოხელეო დანაშაულის კონტექსტში იქნება ჩადენილი, სისხლის სამართლის იმ მუხლებით დაკვალიფიცირდება, რაც დღესაც სახელმწიფო ისპექტორის სამსახურის ქვემდებარეა.

“მაგალითად, სპეციალური საგამოძიებო სამსახურის ქვემდებარეობას ემატება 126-ე, ძალადობის მუხლი - მოხელის მიერ ჩადენილი სამსახურეობრივი მდგომარეობის გამოყენებით. სამსახურეობრივი მდგომარეობის გამოყენებით მოხელის მიერ ძალადობის ჩადენა არის არა 126-ე, არამედ 333-ე მუხლი, რაც დღესაც სახელმწიფო ინპექტორის სამსახურის ქვემდებარეა. ასევე, მაშინ როცა სახელმწიფო ინსპექტორის სამსახურს მისი მონაწილეობის გარეშე ამ კანონის მიღება გაუბედეს, მათ ვერ გაუბედეს, რომ ეს მუხლები პროკურატურაზე და პროკურატურის თანამშრომლეზე გაევრცელებინათ“, - განაცხადა ლონდა თოლორაიამ.

პარლამენტი დაჩქარებული წესით სახელმწიფო ინსპექტორის სამსახურის გაუქმების თაობაზე მომზადებულ პაკეტს იხილავს.

პროექტის გათვალისწინებით, სახელმწიფო ინსპექტორის სამსახურის ნაცვლად, ორი უწყება - სპეციალური საგამოძიებო სამსახური და პერსონალურ მონაცემთა დაცვის სამსახური იქმნება. სპეციალურ საგამოძიებო სამსახურს სამოხელეო დანაშაულთა გამოძიების ფუნქცია ექნება. რაც შეეხება პერსონალურ მონაცემთა დაცვის სამსახურს, მას პერსონალურ მონაცემთა დამუშავების კანონიერების კონტროლის და ყველა ფარული საგამოძიებო მოქმედებებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობების კონტროლის ფუნქცია ენიჭება.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა