მუნიციპალიტეტის და მუნიციპალური საწარმოების მოიჯარეებს სანქცია-საურავები ჩამოეწერებათ და 2020-2021 წლების იჯარის გადასახადისგან გათავისუფლდებიან

მუნიციპალიტეტის და მუნიციპალური საწარმოების მოიჯარეებს სანქცია-საურავები ჩამოეწერებათ და 2020-2021 წლების იჯარის გადასახადისგან გათავისუფლდებიან.

ამის შესახებ დედაქალაქის მერმა, კახა კალაძემ დედაქალაქის მთავრობის სხდომაზე განაცხადა.

მისივე თქმით, სურვილის შემთხვევაში მათთვის უნდა განისაზღვროს დამატებითი ვადა, ვადაგასულ საიჯარო ხელშეკრულებებს ვადები უნდა აღუდგეს, რისთვისაც საჭიროა აღნიშნულმა სუბიექტებმა მერიის ქონების მართვის სააგენტოს მიმართონ.

„ გუშინ საკრებულომ ასევე დაამტკიცა ბიზნესის მხარდაჭერის პროგრამა. ამ თემაზე არაერთხელ ვისაუბრე. ამჯერად მინდა მივმართო იმ სუბიექტებს, რომლებიც ხვდებიან აღნიშნულ საშეღავათო პროგრამაში. ესენი არიან ძირითადად მუნიციპალიტეტის და მუნიციპალური საწარმოების მოიჯარეები, რომელთაც უნდა ჩამოვაწეროთ სანქცია-საურავები და გავათავისუფლოთ 2020-2021 წლების იჯარის გადასახადისგან. სურვილის შემთხვევაში მათთვის უნდა განისაზღვროს დამატებითი ვადა, ვადაგასულ საიჯარო ხელშეკრულებებს უნდა აღვუდგინოთ ვადები. ამისთვის საჭიროა, აღნიშნულმა სუბიექტებმა მიმართონ მერიის ქონების მართვის სააგენტოს, რათა შესაბამისი ცვლილებები უმოკლეს დროში განხორციელდეს და შეძლონ ისარგებლონ მუნიციპალიტეტის მიერ დადგენილი შეღავათებით.

რაც შეეხება მიმართვის ვადას, დაინტერესებულმა პირებმა მერიის ქონების მართვის სააგენტოს უნდა მიმართონ პირველ აპრილამდე. დეტალური ინფორმაცია ხვალიდან განთავსდება თბილისის მერიის ვებგვერდზე“,- აღნიშნა კალაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში