დედაქალაქის მერის განცხადებით, ბინათმშენებლობით დაზარალებული ოჯახების შესახებ არასწორი ინფორმაცია გავრცელდა

თბილისის მერის, კახა კალაძის განცხადებით, კონკრეტული მედიასაშუალების მიერ გავრცელებული ინფორმაცია ბინათმშენებლობით დაზარალებული ოჯახების შესახებ, არასწორია.

აღნიშნულთან დაკავშირებით კალაძემ დედაქალაქის მთავრობის დღევანდელ სხდომაზე ისაუბრა და ტელეკომპანია „პირველი“ სიცრუის ტირაჟირებაში დაადანაშაულა.

„უნდა შევეხო ერთ სიუჟეტს, რომელიც კონკრეტულად „ტვ პირველის“ ნოდარ მელაძის გადაცემაში გავიდა. ყველამ ვიცით, მელაძის გადაცემები რაზეა დაფუძნებული და რისკენაა მიმართული: ტყუილი, ბოროტება, ტალახის სროლა. ამით საზრდოობს ეს კონკრეტული ჟურნალისტი და მისი თანამშრომლები. გასული სიუჟეტი ძალიან დიდი ტყუილი იყო, საქმე ეხება თემას, რომელიც 30 წელია ქვეყანაში არსებობს და დედაქალაქის ვერც ერთმა მთავრობამ ეს პრობლემა ვერ მოაგვარა, ეს არის კოოპერატიული ბინათმშენებლობით დაზარალებული 3 ათასი ოჯახი. ნამდვილად მეამაყება, რომ ჩემს თანაგუნდელებთან ერთად ვარ ის ადამიანი, ვინც ამ პროცესის მოწესრიგება დავიწყეთ. ყველა ამ ადამიანს, ყველა ოჯახს დაუბრუნდება საკუთარი საცხოვრებელი ფართი. ესენი არიან ადამიანები, რომელთაც თანხა აქვთ გადახდილი. სახელმწიფომ ეს ვალი აღიარა და მოგვანიჭა უფლებამოსილება, რომ მოხდეს ამ ადამიანებისთვის საცხოვრებელი ფართებით უზრუნველყოფა“, - განაცხადა კალაძემ.

მისი განმარტებით, რაც არ უნდა დეზინფორმაცია გავრცელდეს, ეს დედაქალაქის მერიის საქმიანობას ხელს ვერ შეუშლის.

„ჩვენ მოვისმინეთ, რომ თითქოს 1 ლარად არის გადაცემული მიწები და ნაჩუქარი, ეს არის ძალიან დიდი ტყუილი და არ შეგვიყვანონ შეცდომაში. ათეულობით მილიონის ინვესტიცია უწევთ ამ კონკრეტულ კომპანიებს და მილიონობით ლარის ფართები არის გადმოსაცემი მერიისთვის იმისთვის, რომ ეს კონკრეტული ოჯახები დაკმაყოფილდნენ, რა თქმა უნდა, საბანკო საგარანტიო უზრუნველყოფით, რომ ხვალ, ზეგ ვიღაც არ გაიქცეს და ეს მიწის ნაკვეთები ისე არ დარჩეს. ჩვენ უნდა შევძლოთ მისი დასრულება და ამ ადამიანების უზრუნველყოფა. ძალიან მიხარია, რომ 1500-მდე ოჯახი უკვე უზრუნველყოფილია“, - განაცხადა კალაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!