სოზარ სუბარი - ლონდა თოლორაიას მიმართ ერთადერთი პრეტენზია, რაც შეიძლება მქონდეს, ეს არის გუშინ რა განცხადებებიც გააკეთა, ის გარკვეულწილად თავის მანდატს გასცდა

ერთადერთი კრიტიკის საფუძველი, რაც შეიძლება დარჩეს ეს არის, რატომ ხდება პროექტის მიღება დაჩქარებული წესით. დაჩქარებული წესით ნამდვილად არ არის კარგი, როდესაც ასეთ კანონს იღებ, თუმცა, წლის ბოლოა და გადავწყვიტეთ მომავალი წლიდან მეტ-ნაკლებად, ეს ინსტიტუტი კონსტიტუციურ ჩარჩოებში იყოს მოქცეული, - ამის შესახებ „ქართული ოცნების“ წევრმა, სოზარ სუბარმა სახელმწიფო ინსპექტორის სამსახურის გაუქმების შესახებ საუბრისას ჟურნალისტებს განუცხადა.

მისი თქმით, იმ ადამიანებს, ვინც დღეს სახელმწიფო ინსპექტორს აქებენ, გასული 2 წლის განმავლობაში სახელმწიფო ინსპექტორის სამსახურის მუშაობის შესახებ, არაფერი უთქვამთ.

„რაც შეეხება თვითონ პიროვნებას, გუშინ სახალხო დამცველის მოადგილე გამოვიდა და თქვა, რომ ორი წელია აკვირდებიან, ორი წელია ლონდა თოლორაია მუშაობს ძალიან კარგად. ძალიან სამწუხაროა, რომ ორი წლის განმავლობაში არც ერთხელ ეს სიტყვა არ დასცდენიათ და ახლა მოინდომეს ამაზე ლაპარაკი. თუმცა, იმ ფაქტმა, რომ დღეს ასე იცავენ, როგორც ინსტიტუციას, ისე პიროვნებას, გამოაჩინა ერთი რამ, რომ ე.ი. შეგვიძლია პიროვნებების შერჩევა და ზუსტად ასე მოხდება მომავალშიც“, - განაცხადა სოზარ სუბარმა.

უმრავლესობის წევრის თქმითვე, მას სახელმწიფო ინსპექტორთან მიმართებაში რაიმე სახის პრეტენზია არ გააჩნია.

ლონდა თოლორაიას მიმართ ერთადერთი პრეტენზია, რაც შეიძლება მქონდეს ეს არის, გუშინ რა განცხადებებიც გააკეთა. მგონია, რომ გარკვეულწილად თავის მანდატს გასცდა. როდესაც ის ესწრებოდა მოსმენას, უკეთესი იქნებოდა, დარჩენილიყო ბოლომდე. სხვა პრეტენზია ამ ადამიანის მიმართ, პიროვნულად არ მაქვს“, - აღნიშნა სოზარ სუბარმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს