შალვა პაპუაშვილი - თუ თქვენ პრინციპულობას სიხისტეს ეძახით, დიახ, ალბათ ვარ ხისტი, თუ სიმართლის თქმას, სიხისტეს ეძახით, დიახ, ხისტი ვარ, თუმცა ამ ყველაფერში გულწრფელი ვარ

თუ თქვენ პრინციპულობას სიხისტეს ეძახით, დიახ, ალბათ ვარ ხისტი; თუ იმ სიმართლის თქმას, რისიც მჯერა, სიხისტეს ეძახით, დიახ, ხისტი ვარ. თუმცა ამ ყველაფერში გულწრფელი ვარ, - ამის შესახებ პარლამენტის თავმჯდომარეობის კანდიდატმა, შალვა პაპუაშვილმა პარლამენტის რიგგარეშე სესიის პლენარულ სხდომაზე სიტყვით გამოსვლისას განაცხადა, სადაც თავმჯდომარის პოსტზე მისი არჩევის პროცედურა მიმდინარეობს.

ოპოზიციის შეფასებებზე, რომ პაპუაშვილი ხისტია, ის ამბობს, რომ „მთავარია, ადამიანი გულწრფელი იყოს“.

„ვფიქრობ, ეს არის მთავარი, რომ ადამიანი გულწრფელი იყოს თავის სიტყვებსა და საქმეში. რასაც აქამდე ვამბოდი და ვიტყვი ამის შემდეგ, იქნება ის სიმართლე, რისიც მჯერა და პირდაპირი დამოკიდებულება, რაც მექნება. დარწმუნებული ვარ, აქამდეც ეს აღქმა იყო, რომ გულწრფელი დამოკიდებულება მქონდა სხვადასხვა საკითხთან დაკავშირებით და გიზიარებდით, მათ შორის პოლიტიკურ საკითხებთან დაკავშირებით“,- განაცხადა შალვა პაპუაშვილმა.

ამასთან, შალვა პაპუაშვილის განცხადებით, სამაგალითოა ის დამოკიდებულება, რაც ოპოზიციონერ დეპუტატებს კახა კუჭავას მიმართ აქვთ.

„უპირველეს ყოვლისა, ძალიან მიხარია ის თბილი სიტყვები, რომლებიც თქვენგან ისმის კახა კუჭავას მიმართ. სამაგალითოა როგორც თქვენი დამოკიდებულება მის მიმართ, ასევე ის ღირსეული თავმჯდომარეობა, რომელიც კახა კუჭავამ გასწია. კახასთან 20-წლიანი მეგობრობა მაკავშირებს, ამიტომ აქვე გეტყვით, რომ ის არც ჩვენი გუნდიდან გამქრალა და მითუმეტეს, არც ჩემი ცხოვრებიდან. ასე რომ, მიხარია, რომ ოპოზიიცის მხრიდან ასეთი დამოკიდებულებაა კახას მიმართ. დიდი მადლობა მას, ვინაიდან, მისგან, როგორც მეგობრისგან, მათ შორის პოლიტიკაში, დიდ მხარდაჭერას ვგრძნობდი“,- განაცხადა პაპუაშვილმა.

ცნობისთვის, პარლამენტის რიგგარეშე სხდომაზე ახალი თავმჯდომარის არჩევის პროცედურა მიმდინარეობს. პარლამანტის ტრიბუნიდან დეპუტატების კითხვებს თავმჯდომარეობის კანდიდატი შალვა პაპუაშვილი პასუხობს.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა