სანდრო რაქვიაშვილი - საერთოდ რაში გვჭირდება სახელმწიფო ინსპექტორის სამსახური? ეს 121 კაცი რომ გაგვეშვა სამსახურიდან, ან არ აგვეყვანა თავის დროზე, რა დაშავდებოდა?

საერთოდ ვერ დავინახე, რაში გვჭირდება ეს ინსტიტუცია? ეს 121 კაცი რომ გაგვეშვა სამსახურიდან, ან არ აგვეყვანა თავის დროზე, რა დაშავდებოდა? - ამ კითხვებით მიმართა მმართველი პარტიის დეპუტატებს „გირჩის“ წევრმა სანდრო რაქვიაშვილმა.

რაქვიაშვილმა „ქართულ ოცნებას“ ერთ-ერთ გამოსავლად შესთავაზა, რომ სახელმწიფო ინსპექტორი ლონდა თოლორაია ახალი სააგენტოს თავმჯდომარედ დანიშნოს.

„ბევრი მოვისმინე აქ დისკუსია ამ თემაზე და იყო არგუმენტი გამოთქმული მშობიარობაზე, იყო სხვადასხვა გადაწყვეტილებაზე, მაგალითად, მიხეილ სააკაშვილის ირგვლივ, მაგრამ საერთოდ ვერ დავინახე, რაში გვჭირდება ეს ინსტიტუცია. მართლა რაში გვჭირდება? ეს 121 კაცი რომ გაგვეშვა სამსახურიდან, ან არ აგვეყვანა თავის დროზე, რა დაშავდებოდა? თუ ოდესღაც არ იყო ინსტიტუცია სწორი, კარგი, არ უჭერდით მხარს და ახლა რამდენიმე სწორი გადაწყვეტილება მიიღო და ეს მოგვეწონა, ამიტომ კარგი გახდა? მე ასეთი შთაბეჭდილება მრჩება მხოლოდ. არ დამრჩა შთაბეჭდილება, რომ ეს ინსტიტუცია მართლა გვჭირდება. „ქართულ ოცნებას“ მინდა მივმართო, ხომ ცხადია, რომ ლონდა თოლორაიაზეა ახლა საუბარი? ანუ ერთი ადამიანის გაშვებაზე ამდენი ამბავი ავტეხეთ. თუ ასეთი მიზანი არ გაქვთ და მართლა რაღაც რეფორმაა ჩაფიქრებული, რომელსაც ვერ ვხედავ რაში გამოიხატება, მაგრამ დავუშვათ რომ ასეა, რადგან პრემიერ-მინისტრი აფასებს ლონდა თოლორაიას კვალიფიკაციას, საჯაროდ შესთავაზა მას დასაქმება, იქნებ ამ ახალი სააგენტოს თავმჯდომარის თუ დირექტორის პოზიციაც შესთავაზოთ? თვითონ აირჩიოს, რომელი ახალი სააგენტოს თავმჯდომარეობა უნდა და მაშინ ყველა კითხვა მოიხსნება - ლონდა დარჩება თანამდებობაზე და შეგვეძლება რაღაც რეფორმაზეც ვისაუბროთ. მგონია, რომ მარტივი გამოსავალი იქნება ამ სიტუაციიდან“, - განაცხადა რაქვიაშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის