კავკასიის საერთაშორისო უნივერსიტეტსა და ქართულ სამედიცინო ონლაინ საგანმანათლებლო პლატფორმა “MEDU”-ს შორის ურთიერთთანამშრომლობის მემორანდუმი გაფორმდა. ამის შესახებ ინფორმაციას კავკასიის საერთაშორისო უნივერსიტეტი ავრცელებს.
მათი ინფორმაციით, მემორანდუმის ფარგლებში, კავკასიის საერთაშორისო უნივერსიტეტის აკადემიური პერსონალი, სამედიცინო პლატფორმა “MEDU“-ზე სემინარების/ვორქშოფების/ლექციების დაგეგმვასა და განხორციელებაში ჩაერთვება, რასაც ტექნიკურად სრულად უზრუნველყოფს სამედიცინო პლატფორმა. ასევე, პლატფორმისთვის პრიორიტეტულ პირობას წარმოადგენს, არადისტანციურად დაგეგმილ ღონისძიებებში სტუდენტების ჩართვა, უნივერსიტეტის მიერ სააუდიტორიო სივრცის უზრუნველყოფა და ამ მიმართულებით საინფორმაციო კამპანიის წარმოება.
აღსანიშნავია, რომ CIU პირველი ქართული უნივერსიტეტია, რომელმაც “MEDU”-სთან ურთიერთთანამშრომლობის მემორანდუმი გააფორმა.
მემორანდუმს ხელი CIU-ს მედიცინის ფაკულტეტის დეკანმა, მაგდა თორთლაძემ და “MEDU“-ს დამფუძნებელმა და დირექტორმა, ქეთევან ტაბუცაძემ მოაწერეს.