ვახტანგ ჭარაია - „საპარტნიორო ფონდი“ მოგებიანია და მისი რეორგანიზაცია ამ მოცემულობით უნდა განვიხილოთ

„საპარტნიორო ფონდის“ რეფორმირების ფარგლებში, მისი შემადგენლობიდან სახელმწიფო საწარმოები უნდა გამოიყოს და ფონდმა, როგორც დამოუკიდებელმა სტრუქტურამ გააგრძელოს საქმიანობა, - ამის შესახებ თსუ-ს ანალიზისა და პროგნოზირების ცენტრის დირექტორმა, ვახტანგ ჭარაიამ სახელმწიფო საწარმოების რეფორმის სტრატეგიის შესახებ საერთაშორისო სავალუტო ფონდის პროექტზე საუბრისას განაცხადა.

ვახტანგ ჭარაიას თქმით, საპარტნიორო ფონდის ე.წ. შვილობილი კომპანიების მომავალი სახელმწიფო საწარმოების რეფორმის სტრატეგიის პროექტში მკაფიოდ არის გაწერილი.

„ხშირად პრესაში იწერებოდა, რომ „საპარტნიორო ფონდი“ არის ზარალიანი, რაც შეცდომაა. სინამდვილეში, თავად „საპარტნიორო ფონდი“ ე.წ. მისი შვილობილი კომპანიების, მაგალითად, „საქართველოს რკინიგზის“ გარეშე, რომელსაც თავად ჰქონდა ბუღალტრული ზარალი, შემოვლითი რკინიგზის პროექტისგან გამოწვეული ხარჯებისა და აქტივების ჩამოწერის გამო, წლების განმავლობაში საკმაოდ მაღალ მოგებას აჩვენებს. კონსოლიდირებულ ბალანსში მისი შვილობილი კომპანიების ზარალი „საპარტნიორო ფონდზე“ აისახა. შესაბამისად, მნიშვნელოვანია, ფონდის რეორგანიზაციის ფარგლებში, ამ სახელმწიფო საწარმოების გამოყოფა მოხდეს ისე, რომ ფონდის მოგებიანი კომპონენტი შენარჩუნდეს და მან პროფესიონალი მენეჯმენტისა და პროფესიონალი სამეთვალყურეო საბჭოს ზედამხედველობით გააგრძელოს საქმიანობა. საპარტნიორო ფონდის ე.წ. შვილობილი კომპანიების მომავალი სახელმწიფო საწარმოების რეფორმის სტრატეგიის პროექტში მკაფიოდ არის გაწერილი. ეს საწარმოები სპეციფიკური ხასიათისაა, განსაკუთრებულ მიდგომას საჭიროებს და დიფერენცირებულად უნდა განვიხილოთ“, - აღნიშნა ვახტანგ ჭარაიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს