ანრი ოხანაშვილი - ლონდა თოლორაიას მადლობას ვუხდი პარლამენტთან თანამშრომლობისთვის, თანამშრომლობა საინტერესო და ნაყოფიერი იყო, მას წარმატებებს ვუსურვებ

პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა ჯერ კიდევ მოქმედ სახელმწიფო ინსპექტორს ლონდა თოლორაიას პარლამენტთან თანამშრომლობისათვის მადლობა გადაუხადა.

სამადლობელი განცხადება ანრი ოხანაშვილმა იურიდიულ საკითხთა კომიტეტის სხდომაზე მას შემდეგ გააკეთა, რაც კომიტეტმა სახელმწიფო ინსპექტორის სამსახურის შესახებ საკანონმდებლო პაკეტი მესამე მოსმენით განიხილა და მხარი დაუჭირა.

ლონდა თოლორაიას მადლობას ვუხდი პარლამენტთან თანამშრომლობისთვის, იმ საქმიანობისთვის, რომელიც ჩვენ ადამიანის უფლებათა დაცვის კომიტეტის თავმჯდომარესთან ერთად გვქონდა. ჩვენი თანამშრომლობა ნამდვილად საინტერესო და ნაყოფიერი იყო. მე მას წარმატებებს ვუსურვებ. იმედი მაქვს, ის წარმატებულ საქმიანობას განახორციელებს როგორც დარჩენილ პერიოდში, ასევე შემდგომში შესაძლებლობა ექნება შესაბამისი საქმიანობა განახორციელოს“, - განაცხადა ანრი ოხანაშვილმა იურიდიულ საკითხთა კომიტეტის სხდომაზე.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო