ადვოკატი გიორგი მშვენიერაძე - მიხეილ სააკაშვილი აპირებს მისი უფლებების დასაცავად ყველა სამართლებრივი გზის გამოყენებას და ბრძოლას სამართლებრივი საშუალებებით

მიხეილ სააკაშვილი აპირებს მისი უფლებების დასაცავად ყველა სამართლებრივი გზის გამოყენებას და ბრძოლას სამართლებრივი საშუალებებით, - ამის შესახებ ადვოკატმა გიორგი მშვენიერაძემ რუსთავის მე-12 პენიტენციური დაწესებულების დატოვების შემდეგ განაცხადა.

მშვენიერაძის განცხადებით, სააკაშვილის პოლიტიკური დევნის საკითხზე სამართლებრივი მუშაობა გაგრძელდება, როგორც ქვეყნის შიგნით, ასევე საერთაშორისო ასპარეზზე.

„დღეს პირველად შევხვდი მიხეილ სააკაშვილს მას შემდეგ, რაც პატიმრობაში იმყოფება, ამიტომ არ შემიძლია, შევადარო მისი ჯანმრთელობის მდგომარეობა წინა დღეებში, თუმცა დღეს სისუსტეს გრძნობს, ცხადია. მე არ ვარ ექიმი და გამიჭირდება უფრო კონკრეტული დასკვნების გაკეთება იმასთან დაკავშირებით, რამდენად მძიმეა ან არ არის მძიმე მისი მდგომარეობა.

ის აპირებს მისი უფლებების დასაცავად ყველა სამართლებრივი გზის გამოყენებას და ბრძოლას სამართლებრივი საშუალებებით. მას კარგად ესმის და აცნობიერებს, რომ ქვეყანაში არის სერიოზული პრობლემა მართლმსაჯულების პოლიტიზებასთან დაკავშირებით და აქაური ინსტრუმენტების გამოყენებას გააჩნია საფეხურებრივი მნიშვნელობა, რომ შემდგომ სხვა ინსტანციებში მოხდეს დავის გაგრძელება. მათ შორის დავათა ნაწილი არის ადამიანის უფლებათა დაცვის ევროპულ სასამართლოში წაღებული. მნიშვნელოვანია მისთვის, როგორც დაზარალებულის უფლებების კუთხით მუშაობაც, რადგან ის არის მსხვერპლი არაადამიანური და ღირსების შემლახავი მოპყრობის. ეს ის ნაწილებია, რომელთან მიმართებაშიც, მე კიდევ მექნება შეხვედრა მასთან უახლოეს დღეებში.

მის პოლიტიკური დევნის საკითხს, ამ სტატუსს სჭირდება გარკვეული სამართლებრივი შეფასება, ამ კუთხით შევეცდებით ვიმუშაოთ როგორც ქვეყნის შიგნით, ასევე საერთაშორისო ასპარეზზე და მეორე ეს არის მისი არაადამიანური და ღირსების შემლახავი მოპყრობის ფაქტები, რომლებიც განგრძობად ხასიათს ატარებს და ამასთან მიმართებაში მას მუდმივად დასჭირდება სამართლებრივი დახმარება“, - განაცხადა გიორგი მშვენიერაძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა