ბადრი ჯაფარიძე - რაც კი პრობლემა შეიძლება გააჩნდეს ქვეყანას, ყველა პრობლემის წინაშე ვართ და ასე ვამთავრებთ წელს

რაც კი პრობლემა შეიძლება გააჩნდეს ქვეყანას, ყველა პრობლემის წინაშე ვართ დღეს და ასე ვამთავრებთ წელს, - ამის შესახებ პარტია „ლელოს“ ერთ-ერთმა ლიდერმა ბადრი ჯაფარიძემ „პალიტრანიუსის“ გადაცემაში „თავისუფალი სტუდია“ განაცხადა.

ბადრი ჯაფარიძე მიიჩნევს, რომ 2021 წელი შესაძლებლობების ხელიდან გაშვების წელი იყო და ხელისუფლებამ შესაძლებლობები ძალაუფლების შენარჩუნების მიზნით გაუშვა ხელიდან.

„ეს წელი გამორჩეული იყო სწორედ კრიზისების ოდენობით, მწვავე ვითარება გვქონდა ყველა მიმართულებით. პოლიტიკური კრიზისით დავიწყეთ წელი და პოლიტიკური კრიზისით ვამთავრებთ. ეკონომიკური კრიზისი, პანდემიური კრიზისი. ჰქონდა შანსი ქვეყანას, რომ გადაედგა წინ ნაბიჯები, როდესაც ჩვენ მივაღწიეთ შეთანხმებას 19 აპრილს. სამწუხაროდ „ქართული ოცნება“ გამოვიდა ამ შეთანხმებიდან, რომელსაც ყველა ჩვენი დასავლელი მეგობარი უწოდებს საქართველოს ევროპული მომავლის საგზაო რუკას. გვქონდა ადგილობრივი არჩევნები, რომელიც გამორჩეული იყო დარღვევებით, შემდეგ გვქონდა და გვაქვს პოსტსაარჩევნო კრიზისები საკრებულოებში. ასე რომ, რაც კი პრობლემა შეიძლება გააჩნდეს ქვეყანას, ყველა პრობლემის წინაშე ვართ დღეს და ასე ვამთავრებთ წელს.

როდესაც ბერკეტები არის ხელისუფლების ხელში, ბერკეტების არასწორად გამოყენება ან არ გამოყენება ხდება კრიზისის შექმნის ან კრიზისის არ გადაჭრის მიზეზი. შესაბამისად, რა თქმა უნდა, კრიზისებზე პასუხისმგებელი არის ხელისუფლება, ყველა იმ კრიზისზე, რომელიც ჩამოვთვალე. 2021 წელი იყო სავსე მწვავე კრიზისებით, პრობლემებით და გადავდივართ 2022 წელში ამ მემკვიდრეობით. სამწუხაროდ, ასევე იყო ხელიდან გაშვებული შესაძლებლობების წელი, რომელიც ხელისუფლებამ სამწუხაროდ, სწორედ მისი ძალაუფლების შენარჩუნებისკენ სწრაფვის გამო გაუშვა ხელიდან”, - განაცხადა ბადრი ჯაფარიძემ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი