შალვა პაპუაშვილი ლონდა თოლორაიას განცხადებაზე - თანამშრომლების როლის დაკნინებაა თუ დაწესებულების ხელმძღვანელი ამბობს, რომ ის, როგორც პიროვნება, ერთადერთი გარანტორია დამოუკიდებლობის და პრინციპულობის

თანამშრომლების როლის დაკნინებაა თუ დაწესებულების ხელმძღვანელი ამბობს, რომ ის, როგორც პიროვნება, ერთადერთი გარანტორია დამოუკიდებლობის, პრინციპულობისა და მიუკერძოებლობის - სახელმწიფო ინსპექტორის სამსახური თავის თანამშრომლებზე იდგა“,-ამის შესახებ საქართველოს პარლამენტის თავმჯდომარემ შალვა პაპუაშვილმა ჟურნალისტებთან საუბრისას განაცხა, რითაც სახელმწიფო ინსპექტორის, ლონდა თოლორაიას გუშინდელ განცხადებაზე ისაუბრა.

როგორც პაპუაშვილი განმარტავს, საჯარო სამსახურში მთავარი შემოქმედები საჯარო მოხელეები არიან.

„ამა თუ იმ დაწესებულების ხელმძღვანელზე ჩამოკიდება არსშივე არასწორია. ვფიქრობ, ეს არის საკუთარი თანამშრომლების როლის დაკნინება, თუ დაწესებულების ხელმძღვანელი ამბობს, რომ ის, როგორც პიროვნება, ერთადერთი გარანტორია დამოუკიდებლობის, პრინციპულობისა და მიუკერძოებლობის.

ვფიქრობ, ისევე როგორც ყველა სამსახური, მათ შორის სახელმწიფო ინსპექტორის სამსახური, უპირველ ყოვლისა, იდგა თავის თანამშრომლებზე. ეს თანამშრომლები უწყებაში რჩებიან.

საჯარო სამსახურში მთავარი შემოქმედები საჯარო მოხელეები არიან და ისინი ამ სამსახურში რჩებიან. როდესაც არის ისეთი მიდგომა, თითქოს ერთი ადამიანი არის უწყებაში ხელმძღვანელი, რომელიც პროფესიონალიზმის მთავარი ფაქტორიაა, ეს თავის თავში აჩვენებს, რამდენად არასწორია “, - განაცხადა შალვა პაპუაშვილმა.

ცნობისთვის, გუშინ სახელმწიფო ინსპექტორმა, ლონდა თოლორაიამ ბრიფინგზე განმარტა, რომ უწყების გაუქმებით „სახლში გაუშვეს სახელმწიფო ინსპექტორი და მისი სამი მოადგილე, რომლებმაც მიუხედავად ყველა დაბრკოლებისა შეძლეს შეექმნათ დამოუკიდებელი სახელმწიფო უწყება“.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში