საქართველოს პარლამენტის თავმჯდომარე შალვა პაპუაშვილი ღრმა მწუხარებას გამოთქვამს ქართველი არქიტექტორისა და ხელოვანის, გიგა ბათიაშვილის გარდაცვალების გამო და უსამძიმრებს გარდაცვლილის ოჯახსა და მეგობრებს.

„ღრმა მწუხარებას გამოვთქვამ ქართველი არქიტექტორის და ხელოვნების დამსახურებული მოღვაწის, გიგა ბათიაშვილის გარდაცვალების გამო.

განუზომელია ის დამსახურება, რომელიც მას ჩვენი დედაქალაქის და მისი ისტორიული იერსახის აღდგენა-შენარჩუნებაში მიუძღვის.

საქართველოს პარლამენტის სახელით, ვუსამძიმრებ ბატონი გიორგის ოჯახს, ახლობლებს და მეგობრებს“, - აცხადებს შალვა პაპუაშვილი.