საქართველოში „ომიკრონის“ 144 შემთხვევაა დადასტურებული
საქართველოში „ომიკრონის“ 144 შემთხვევაა დადასტურებული. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
„31 დეკემბრის მდგომარეობით, ლაბორატორიულად დადასტურებულია ომიკრონის 144 შემთხვევა“, - ნათქვამია დაავადებათა კონტროლის ეროვნული ცენტრის მიერ გავრცელებულ ინფორმაციაში.
ბოლო 24 საათში საქართველოში კორონავირუსით ინფიცირების 796 ახალი შემთხვევა დაფიქსირდა, გარდაიცვალა კიდევ 45 პაციენტი.
