რომან გოცირიძე - ლარის შემოღებიდან 26 წლის განმავლობაში წლიური ინფლაცია ყველაზე მაღალი 2021 წელს იყო

„ნაციონალური მოძრაობის“ ერთ-ერთი ლიდერის რომან გოცირიძის განცხადებით, ლარის შემოღებიდან 26 წლის განმავლობაში წლიური ინფლაცია ყველაზე მაღალი იყო გასულ 2021 წელს და მან 13,9 პროცენტი შეადგინა.

როგორც რომან გოცირიძე აღნიშნავს, ფასების ზრდის სიმძიმე განსაკუთრებით შეეხო იმ ადამიანებს, რომლებიც თავიანთი შემოსავლების უდიდეს ნაწილს სურსათში, მედიკამენტებში და სასიცოცხლოდ აუცილებელ საქონელში ხარჯავს, ასეთი კი მოსახლეობის თითქმის 80 პროცენტია.

„გასული წელი საქართველოსთვის ბევრ სხვა უარყოფით მოვლენებთან ერთად ძალიან ცუდი გამოდგა ფასების ზრდის კუთხითაც. დღეს “საქსტატმა“ გამოაქვეყნა ინფორმაცია წლიურ ინფლაციასთან დაკავშირებით და მან ყველანაირ ნეგატიურ მოლოდინს გადააჭარბა. მან ისტორიული ანტირეკორდი დაამყარა.

ლარის შემოღებიდან 26 წლის განმავლობაში წლიური ინფლაცია ყველაზე მაღალი სწორედ გასულ 2021 წელს აღინიშნა და მან 13,9 პროცენტი შეადგინა. მანამდე ყველა მეტად ფასები გაიზარდა 1996 წლს-13,8 პროცენტით.

გასული წლის მონაცემებით, საქართველოში ინფლაცია ყველაზე მაღალი იყო მთელ ევროპაში თურქეთის შემდეგ და ერთ-ერთი ყველაზე მაღალი მსოფლიოში. ამ ფაქტს უკვე კორონავირუსს ვერ გადააბრალებენ. როცა ყველაზე უარესი ხარ რაღაცაში, ეს იმას ნიშნავს, რომ ყველაზე უუნარო ხელისუფლებასთან გვაქვს საქმე.

ხელისუფლების მიერ ნაქები ეკონომიკური ზრდა ფასების ზრდამ შეჭამა. ეს იმას ნიშნავს, რომ ქვეყანაში სიღარიბე კიდევ უფრო გაიზარდა. ფასების ზრდის სიმძიმე განსაკუთრებით შეეხო იმ ადამიანებს, რომლებიც თავიანთი შემოსავლების უდიდეს ნაწილს სურსათში, მედიკამენტებში და სასიცოცხლოდ აუცილებელ საქონელში ხარჯავენ. ფასები ამ სეგმენტში კიდევ უფრო გაიზარდა", - აცხადებს გოცირიძე.

შეგახსენებთ, რომ 2021 წლის დეკემბერში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 13.9 პროცენტი შეადგინა.

„საქსტატის“ ინფორმაციით, რაც შეეხება საბაზო ინფლაციას, აღნიშნულმა მაჩვენებელმა 2021 წლის დეკემბერში, გასული წლის შესაბამის პერიოდთან შედარებით 5.9 პროცენტი შეადგინა.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა