ანა ბუჩუკური - სააკაშვილთან დაკავშირებით საგამოძიებო კომისიის შექმნა არსებულ პირობებში მიზანშეწონილად არ მიგვაჩნია

სააკაშვილთან დაკავშირებით კომისიის შექმნა არსებულ პირობებში მიზანშეწონილად არ მიგვაჩნია, სახელმწიფო ინპექტორის სამსახური ჯერ კიდევ ფუნქციონირებს, - ამის შესახებ ჟურნალისტებთან პარტია "საქართველოსთვის" დეპუტატმა ანა ბუჩუკურმა ფრაქცია "ნაციონალური მოძრაობის" თავმჯდომარე ხატია დეკანოიძესთან შეხვედრის შემდეგ განაცხადა.

მისივე თქმით, მათთვის მიუღებელი იყო, რომ "ნაციონალური მოძრაობა" არ ესწრებოდა სხდომას, სადაც უმრავლესობამ სახელმწიფო ინსპექტორის სამსახურის გაუქმებასთან დაკავშირებით კანონპროექტი მიიღო.

"ჩვენ დღეს გვქონდა ხატია დეკანოიძესთან შეხვედრა, მან კოლეგიალურად გვთხოვა და ბუნებრივია, როგორც კოლეგას შევხვდით. თუმცა, ჩვენი პოზიცია პრინციპში, გუშინვე იყო საზოგადოებისთვის ცნობილი, არ მიგვაჩნია მიზანშეწონილად ამ კომისიის შექმნა ამ პირობებში, იცით, რომ სახელმწიფო ინპექტორის სამსახური ჯერ კიდევ ფუნქციონირებს და მიუღებელი იყო და ვუთხარით ხატია დეკანოიძესაც, რომ როცა "ქართული ოცნება" იღებდა ისეთ მავნებლურ გადაწყვეტილებას ერთადერთი შემორჩენილი სახელმწიფო დამოუკიდებელი უწყების გაუქმების შესახებ ცარიელი დარბაზი იყო ფაქტობრივად ოპოზიციის მხარეს, 11 ოპოზიციონერი ვიყავით ვინც წინააღმდეგ მისცა ხმა,"- განაცხადა ბუჩუკურმა.

რაც შეეხება ირაკლი კობახიძის განცხადებას, რომ შესაძლოა, საგამოძიებო კომისიაში მონაწილეობა მიიღონ, ანა ბუჩუკურს არ გაკვირვებია. "ქართული ოცნებისთვის" უფრო ხელსაყრელია მოქალაქეებისთვის სისტემური პრობლების ნაცვლად შოუზე გადაიტანოს აქცენტები, ასე რომ, არ გამიკვირდა ირაკლი კობახიძის განცხადება, მანამდე ვხუმრობდი კიდეც, ალბათ გამოვლენ და მხარს დაუჭერენ - თქო,"- განაცხადა ბუჩუკურმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!