ორბელიანების სასახლეში ხელოვან ზეინაბ ბარნოვის გამოფენა “ქართული დეტალი“ გაიმართა, რომელიც ქართული კულტურის პოპულარიზაციასა და თანამედროვე კრეატიული ინდუსტრიის ხელშეწყობის მიზნით ჩატარდა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

ადმინისტრაციის ცნობითვე, გამოფენა საქართველოს პრეზიდენტმა სალომე ზურაბიშვილმა და მოწვეულმა სტუმრებმა დაათვალიერეს და ხელოვანს წარმატება უსურვეს.

ამასთან, ზეინაბ ბარნოვის გამოფენაზე ხევსურული ტანსაცმლის, თავსაბურავებისა და ქართული ჩიხტიკოპების ორიგინალებთან ერთად წარმოდგენილი იყო ქართული ტრადიციული ხელოვნების ნიმუშების დეტალების მოტივებზე შექმნილი და თანამედროვე ფორმებში მოქცეული - ბალიშები, სანათები, ჩანთები და ფოტოები.