რელიგიის საკითხთა სახელმწიფო სააგენტო სომხური სამოციქულო ეკლესიის საქართველოს ეპარქიას და სომეხ თანამოქალაქეებს იესო ქრისტეს შობისა და ნათლისღების დღესასწაულებს ულოცავს.
სომხური სამოციქულო მართლმადიდებელი ეკლესია უდიდეს ქრისტიანულ დღესასწაულებს, იესო ქრისტეს შობასა და ნათლისღებას დღეს ერთად აღნიშნავს.
„შობა უდიდესი ქრისტიანული დღესასწაულია, რომელმაც სამყარო შეცვალა. უფლის ნათლისღება კი, ახალი აღთქმის თანახმად, იოანე ნათლისმცემელის მიერ მდინარე იორდანეში იესო ქრისტეს მონათვლას უკავშირდება. რელიგიის საკითხთა სახელმწიფო სააგენტო ულოცავს სომხური სამოციქულო ეკლესიის საქართველოს ეპარქიას, სომეხ თანამოქალაქეებს დღესასწაულებს და წარმატებებს უსურვებს მათ,“- ნათქვამია განცხადებაში.