რელიგიის საკითხთა სააგენტოს წარმომადგენლებმა სურბ გევორქის ტაძარში შეკრებილ მრევლს დღესასწაული მიულოცეს

სომხური სამოციქულო მართლმადიდებელი ეკლესია იესო ქრისტეს შობას, გაცხადებას და ნათლისღებას ერთად აღნიშნავს.

თბილისის სურბ გევორქის ტაძარში შეკრებილ მრევლს უდიდესი დღესასწაული რელიგიის საკითხთა სახელმწიფო სააგენტოს წარმომადგენლებმა მიულოცეს.

როგორც რელიგიის საკითხთა სახელმწიფო სააგენტოს მიერ გავრცელებულ ინფორმაციაშია აღნიშნული, სომეხთა ეკლესიის საქართველოს ეპარქიის წინამძღვარმა ღირსმა მამა არქიმანდრიტმა კირაკოს დავითიანმა აღავლინა საშობაო სადღესასწაულო წირვა. წელსაც, ტრადიციისამებრ, სადღესასწაულო მსახურება შედგა, გაიმართა წყალკურთხევა და შესრულდა ჯვრის წყალში შთაფვლის მსახურება.

მსახურებას დაესწრნენ საქართველოს პრეზიდენტი სალომე ზურაბიშვილი, შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე და სააგენტოს თანამშრომლები. სააგენტოს თავმჯდომარემ სომხური ეკლესიის საქართველოს ეპარქიის წინამძღვარს, არქიმანდრიტ კირაკოს დავითიანს, სასულიერო დასსა და მრევლს დღესასწაული მიულოცა, წარმატებები და წინსვლა უსურვა მათ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს