შალვა პაპუაშვილმა იაშვილის კლინიკის ონკო-ჰემატოლოგიური ცენტრის პაციენტი ბავშვები მოინახულა

საქართველოს პარლამენტის თავმჯდომარე, შალვა პაპუაშვილი იაშვილის სახელობის ბავშვთა კლინიკაში იმყოფებოდა, სადაც ლეიკემიით დაავადებული ბავშვები მოინახულა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შალვა პაპუაშვილმა, საქართველოს პარლამენტის სახელით, პატარებს შობა-ახალი წელი მიულოცა და საჩუქრები გადასცა.

„დღეს ვიმყოფებოდით იაშვილის სახელობის ბავშვთა კლინიკაში, მოვინახულეთ ბავშვები, რომლებიც აქ გადიან მკურნალობას. ყველას ვულოცავ დამდეგ შობას და ვუსურვებ ჯანმრთელობას და ბედნიერ წელიწადს.

მიხარია, რომ ასეთ თბილ გარემოში გადიან ბავშვები მკურნალობას და რომ საშობაო და საახალწლო განწყობა აქაც სუფევს. ყველა ბავშვს ვულოცავ შობა-ახალ წელს, ვუსურვებ ჯანმრთელობას და ბედნიერებას მათ ოჯახებთან ერთად“, - განაცხადა პარლამენტის თავმჯდომარემ.

პარლამენტის თავმჯდომარესთან ერთად, კლინიკაში იმყოფებოდა ჯანმრთელობის დაცვისა და სოციალურ საკითხთა კომიტეტის თავმჯდომარე, დიმიტრი ხუნდაძე.

„მოვინახულეთ ჩვენი პატარა მეგობრები, რომლებსაც, ვფიქრობ, ყველაზე მეტი მხარდაჭერა სჭირდებათ და სწორედ ეს იყო ჩვენი სტუმრობის მიზანი. მივულოცეთ ახალი წელი და დამდეგი შობა, ვუსურვეთ, პირველ რიგში, ჯანმრთელობა, ბედნიერება, წინსვლა, სიყვარული და სითბო. ჩვენი სტუმრობა ადასტურებს, რომ მათ მხარდაჭერა აქვთ როგორც აღმასრულებელი, ისე საკანონმდებლო ხელისუფლებისგან. ამ ეტაპზე ვმუშაობთ ბავშვთა ონკო-ჰემატოლოგიური პროგრამის დაფინანსების გაზრდაზე, იმ საჭიროებების გაუმჯობესებაზე, რაც მათთვის პირველი რიგის პრობლემაა. ჩვენი ვალდებულებაა, მათ გვერდში დავდგეთ ყველა მხრივ, რათა მათი ჯანმრთელობა იყოს შენარჩუნებული და ისინი იყვნენ ჯანმრთელი მომავალი თაობის სრულფასოვანი შემადგენელი ნაწილი“, - აღნიშნა დიმიტრი ხუნდაძემ.

იაშვილის კლინიკაში ამჟამად მკურნალობას სხვადასხვა ასაკის 30 ბავშვი გადის.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში